Verkefni, klippa tré

May 22, 2016

 

 

 

 

Verkefni maí mánaðar hjá jólatrjáaframleiðendum
Else Möller, skógfræðingur
22. maí 2016
Dagarnir eru farnir að lengjast og hér er enn snjór til fjalla og kuldi fyrir norðan en blíða fyrir sunnan.
Norska spáin boðar hlýnandi veður fram undan svo kannski er vortilfinningin og löngun eftir að
komast út og gera eitthvað í jólatrjáareitnum að fara að gera vart við sig.
Verkþættir í maí
Fyrsta og mikilvægasta verkefnið er að fara um í gróðursetningunni og klippa tvítoppa/fjöltoppa. Þetta
er hægt að gera frá þriðja ári eftir gróðursetningu. Gott er að laga toppa á þessum tíma, áður en
lengdarvöxturinn byrjar. Mikilvægt er að meta toppana og velja þann sem er þroskamestur og með
flestum hliðabrumum. Það er þó ekki kominn tími til að búa til nýja toppa eftir t.d. toppbrot. Þetta er
gert í júlí.
Formun grenis og þins má hefja þegar trén eru komin í 80-100 cm hæð og eru í góðum vexti. Gott er
að gera þetta í maí ef tíminn leyfir annars má þetta bíða fram eftir sumri.
Botnklipping trjáa til að mynda legg er gerð þegar trén eru komin í 80-90 cm hæð. Þetta er ágætt að
gera núna en má líka bíða þangað til seinna á árinu þegar það er minni að gera. Þetta er mikið og erfið
verk en góð líkamsrækt. Það borgar sig að taka lítið í einu.
Áburðargjöf
Það er til bóta fyrir trén að fá áburð eins snemma og hægt er. Virkni rótarkerfisins hjá trjánum byrjar
löngu áður en trén byrja að grænka og því þurfa trén að fá næringarefni og vatn um leið að frostið fer
úr jörðinni til að komist í góðan vöxt.
Blákorn eða svipaður fjölgildur áburður er oftast besti kosturinn því hann inniheldur steinefni og
snefilefni sem henta vel við flestar aðstæður. Ef ræktunarsvæðið er á frjósömu túni er þó mælt með að
spara áburðarmagnið. Tré yngri en fimm ára þurfa að hámaki 12 g af áburði á tré. Ef trén eru
gróðursett í rýrari jarðveg er mælt með að nota aðeins meira.
Mikilvægt er að auka magn áburðar eftir því sem trén stækka og að velja áburðartegund með mikið
köfnunarefni og magnesíum síðasta árið fyrir lokahögg til að styrkja græna litinn.
Gróðursetning
Það er ákveðinn kostur við að gróðursetja jólatré á hverju ári til að tryggja jafna uppskeru til framtíðar.
Það þarf ekki endilega mikið magn, bara það sem þér finnst þú ráða við og kemst yfir að sinna - allt
ræktunarferlið (10-15 ár).
Það er mesta skilvirkni í að gróðursetja t.d. 100 plöntur innan afmarkaðs svæðis hvert ár og
gróðursetja frekar þétt (120-150 cm millibil). Þetta auðveldar vinnuferlið til muna þegar farið er út til
að sinna trjánum seinna í ræktunarferlinu.
Mælt er með að skrá hjá sér fjölda plantna, tegund, kvæmi, verð (kr) og staðsetningu til dæmis eins og
í töflunni hér fyrir neðan. Taflan þarf ekki að vera í tölvu en getur jafn vel verið í stílabók eða slíku
sem er auðveld að skrá í og hafa með sér. Skráningin auðveldar að halda utan um og fylgjast með
fjölda trjáa, þróun reita og sjálfsagt er að bæta inn upplýsingum og öðru sem getur nýst við framtíðar
gróðursetningar. Við lokahögg verður hægt að sjá hvort trén/ræktunin hafi skilað ásættanlegri afkomu.
Dæmi um gróðursetningartöflu sem auðveldar yfirlit og eftirfylgni.

Dags Teg / kvæmi Fjöldi Reitur Áburður Verð /pl ATH

2016

30.05 SF / Carcross 230 15 12 X kr 67 gb

30.05 BG / Rio Gr 40 15 12 Y kr 24 gb

30.05 FÞ / Arapaho 40 15 12 Z kr 40 gb

Annað

2017

Sumarfundur hjá samtökum jólatrjáaræktenda í Evrópu (CTGCE - Christmas Tree Grower
Coucil of Europe).
Ísland er orðið félagi í CTGCE og hér með er okkur boðið að taka þátt í árlegum sumarfundi sem
verður nú haldinn í Frakklandi (Saulieu) frá 13. til 16. Júní. Það eru en fáein sæti laus sætir ef
einhvern langa að koma með. Nánari upplýsingar hjá Else í GSM: 867-0527. Upplýsingar um CTGCE
er að finna á heimasíðu þeirra: www.CTGCE
Norsk juletre
Ísland er líka orðið félagi í norska félaginu ”Norsk juletre”. Félagsaðildin gefir okkar aðgang að
heimasíðu þeirra sem er með mörgum fróðlegum upplýsingum (fyrir þau sem eru læs á norsku):
http://www.norskjuletre.no/
Hjá Norsk juletre eru þau nýbúin að gefa út rafræna bók um jólatrjáaræktun sem er aðgengileg á
heimasíðunni: „Lønnsomme juletrær”. Það er hægt að nálgast bókin sem PDF skjal frá heimasíðunni.
Bókin er á norsku og fjallar um allt tengt ræktun jólatrjáa. Ef áhugi er hjá ykkur ræktendum getum við
sótt um leyfi til að þýða bókin yfir á íslensku.
Vorkveðjur
Else

Share on Facebook
Share on Twitter
Please reload

 Landssamtök skógareigenda (LSE)  - Bændahöllinni við Hagatorg  - 107 Reykjvaík  -  GSM: 775 1070  -  hlynur@skogarbondi.is - kt 660897-2089