Tuttugasti aðalfundur Landssamtaka skógareigenda.

September 4, 2017

           

 

                                                                                            

Landssamtök skógareigenda, LSE, standa á tímamótum, en tuttugu ár eru frá stofnun samtakanna. 

Í þetta sinn verður aðalfundurinn haldinn í Reykjanesi, í samstarfi við Félag skógarbænda á Vestfjörðum, dagana 13. og 14. október 2017.

Fundurinn hefst kl. 14.00, föstudaginn 13. október, með venjulegum aðalfundarstörfum. Gert verður hlé á fundinum kl. 16.00 og honum svo framhaldið laugardaginn 14. október

kl. 9.00.

Málþing, verður haldið í tengslum við aðalfundinn og hefst það kl. 16.30 á föstudeginum.  Þema málþingsins er umhirða skógarins. Einnig verður erindi frá umhverfis- og auðlindaráðuneytinu, með yfirskriftinni Auðlindin skógar.

Söguganga og árshátíð. Félag skógarbænda á Vestfjörðum býður fundargestum í sögugöngu eftir aðalfundinn og svo endum við með skemmtilegri árshátíð skógarbænda.

Skráning.  Skógarbændur eru hvattir til að skrá sig fyrir 1. október.  Skráning er tvíþætt, annars vegar í gistingu á hótelinu á netfangið rnes@rnes.is   og hins vegar þarf að skrá sig á aðalfundinn og árshátíðina hjá Hrönn Guðmundsdóttir, framkvæmdastjóra LSE í síma

899-9662 eða á netfangið hronn.lse@gmail.com.

Mikilvægt að skrá sig á báðum stöðum, ef gist er á hótelinu.

Verð. Gisting í tveggja manna herbergi í tvær nætur er 19.700 krónur á mann með morgunverði.

Gisting í eins manns herbergi í tvær nætur 26.600 kr. með morgunverði.

Fundarpakki, kr. 15.000 á mann.  Innifalið er:  Kaffi og með því á fundartíma, kvöldverður á föstudagskvöldinu,  hádegisverður á laugardeginum og hátíðarkvöldverður á árshátíð skógarbænda. 

Dagskrá aðalfundar og málþingsins verður send út síðar.  Nánari upplýsingar veitir Hrönn Guðmundsdóttir framkvæmdastjóri  LSE í síma 899-9662 eða á netfangið hronn.lse@gmail.com.

Fólk er hvatt til að hafa með sér sundföt, en í Reykjanesi er besti heiti pottur Evrópu.

Skógarbændur eru hvattir til að taka helgina frá og fjölmenna á fundinn. Efla félagsandann, koma sínum sjónarmiðum á framfæri og skemmta sér í góðum félagsskap.

 

 

 

 

 

 

Share on Facebook
Share on Twitter
Please reload

 Landssamtök skógareigenda (LSE)  - Bændahöllinni við Hagatorg  - 107 Reykjvaík  -  GSM: 775 1070  -  hlynur@skogarbondi.is - kt 660897-2089