Heimsókn í Límtré á Flúðum og félagsfundur á Efra-Seli


Félag skógareigenda á Suðurlandi

Heimsókn í Límtré á Flúðum og félagsfundur á Efra-Seli, föstudaginn 6. mars kl. 17.00

Komið þið sæl.

Föstudaginn 6. mars, kl. 17.00, er okkur skógarbændum boðið að heimsækja verksmiðjuna Límtré Vírnet á Flúðum.

Eins og þið hafið efalaust heyrt áður, þá hafa þeir hjá Límtré verið að gera tilraunir með að nota íslensku öspina í límtré.

Það verður fróðlegt að heyra af þeirri vöruþróun sem og öðrum.

Upp úr kl. 18, verður svo haldið að Efra-Seli, við Flúðir. Margir kannast við Golfvöllinn að Efra-Seli.

Þar verður stuttur félagsfundur, meðal annars verður kynnt viðhorfskönnun, en með henni gefst félagsmönnum tækifæri til að tjá sig um starf og tilgang félagsins.

Þar næst verður boðið upp á ljúffengan pottrétt, í skemmtilegum og góðum félagsskap.

Nauðsynlegt er að vita nokkurnveginn um fjöldann, þannig að endilega látið vita í tölvupósti, að þið ætlið að mæta.

Við vonumst eftir góðri mætingu.

Bestu kveðjur,

f.h. stjórnar FsS

María E. Ingvadóttir, formaður

 Landssamtök skógareigenda (LSE)  - Bændahöllinni við Hagatorg  - 107 Reykjvaík  -  GSM: 775 1070  -  hlynur@skogarbondi.is - kt 660897-2089