Fundir á vegum skógarbænda hafa ekki verið haldnir í Austur-Skaftafellssýslu lengi, eða síðan Suðurlandsskógar voru við lýði. Nú var breyting á.
Haldinn var almennur fundur um skógrækt á Hótel Höfn 23. apríl s.l. Fundarefni var staðan í skógrækt í Sveitarfélaginu Hornafirði. Horft til framtíðar.
Björn Bjarndal formaður skógarbænda á Suðurlandi fór yfir starfsemi Félags skógarbænda á Suðurlandi. Síðan sögðu skógræktarráðgjafar hjá Landi og skógum, þeir Borja og Kári Freyr, frá stöðu mála í skógrækt í A-Skaftafellssýslu og framtíðarhorfur. Að lokum fjallaði Hjörtur Jónsson formaður Skógardeildar BÍ um félagskerfi skógarbænda. Góð mæting var á fundinn og góðar umræður m.a um mikilvægi góðar umhirðu skóga, skipulagsmál m.m.
