Search Results

Smelltu á forsíðuna til ná í blaðið (PDF).

Blað var brotið í sögu skógræktar á Íslandi miðvikudagsmorguninn 26. mars þegar flutt var til landsins skógarhöggsvél að gerðinni GREMO 1050H. Vélin var flutt með Norrænum um Seyðisfjarðarhöfn og var eigandi hennar, Kristján Már Magnússon, skógarhöggsmaður, byrjaður að prófa vélina tveimur dögum síðar. Tveir leiðbeinendur frá Gremo verksmiðjunni í Svíþjóð komu í kjölfarið til að kenna helstu handtökin og kynna sér Íslenskar aðstæður í skógarhöggi.

Tími 13:00 Skemmtiatriði. Fimm hlutar. Gert grín af landshlutunum. Hlynur og Benni eiga heiðurinn af þessum gjögningi.

...

PDF Ársreikningur 2009 Þrettándi aðalfundur Landssamtaka skógareigenda haldinn í Reykholti 8. og 9. október 2010 Dagskrá fundarins: Föstudagur 8. október Kl. 14:00 Tækjasýning – ýmis tæki og tól til skógræktar. Kl. 16:00 Fundur settur í Reykholti. Kl. 16:05 Kosnir starfsmenn fundarins. Kl. 16:10 Skýrsla stjórnar. Kl. 16:40 Ávörp gesta Kl. 17:00 Umræður um skýrslu stjórnar Erindi Kl. 17:20 Endurskoðun landshlutaverkefnanna – Valgerður Jónsdóttir Kl. 17:40 Efniviður úr íslenskum skógum til blómaskreytinga: vannýtt aðlind - Steinar Björgvinsson Kl. 18:00 Aðrar skógarnytjar – Björn Bjarndal Jónsson Kl. 18:20 Mál lögð fyrir fundinn. Skipað í nefndir fundarins og málum vísað til nefnda. Kl. 18:40 Fundi frestað. Nefndir hefja störf. Kl. 19:30 Kvöldmatur. Kl. 20:30 Framhald nefndarstarfa. Kl. 21:00 Menning og saga Reykholts. Ætlað mökum fundarmanna og öðrum fundargestum sem hafa lokið nefndarstörfum. Laugardagur 9. október Kl. 08:00 Morgunverður. Kl. 09:00 Nefndir skila áliti. Kl. 09:45 Kaffi. Kl. 10:30 Nefndir skila áliti, frh. Kl. 11:15 Kosningar: Tveir menn í stjórn, þrír menn í varastjórn, tveir skoðunarmenn Kl. 11:30 Önnur mál. Kl. 12:45 Fundarlok. Kl. 12:45 Hádegismatur. Kl. 14:00 Ferð í Skorradal - skógarskoðun Fararstjórn og leiðsögn: Birgir Hauksson Kl. 17:30 Komið í Reykholt. Kl. 19:00 Fordrykkur. Kl. 19:30 Árshátíð skógarbænda. Formaður Félags skógarbænda á Vesturlandi, Bergþóra Jónsdóttir, bauð gesti velkomna í Reykholt og fór yfir praktísk atriði varðandi fundinn og fundaraðstöðuna. 1. Fundur settur. Formaður LSE, Edda Kr. Björnsdóttir, setti fund og bauð gesti velkomna. 2. Kosnir starfsmenn fundarins. Starfsmenn fundarins voru kjörnir; Guðbrandur Brynjúlfsson og Guðmundur Sigurðsson fundarstjórar, Freyja Gunnarsdóttir fundarritari og henni til aðstoðar Þórunn Sveinbjörnsdóttir og Þórhallur Runólfsson. Fundarstjóri bauð menn velkomna og gengið var til dagskrár. 3. Skýrsla stjórnar. Edda Kr. Björnsdóttir formaður LSE flutti skýrslu stjórnar og fór yfir starf samtakanna frá síðasta aðalfundi. Þórarinn Svavarsson gerði grein fyrir endurskoðuðum reikningum samtakanna árið 2009. Niðurstöður rekstrarreiknings; Rekstrartekjur 8.435.579 Rekstrargjöld 7.028.050 Rekstrarhagnaður 1.407.529 Niðurstöður efnahagsreiknings; Eignir 3.772.117 Eigið fé 3.761.457 Skuldir 10.660 Eigið fé og skuldir 3.772.117 Reikningarnir bornir upp og samþykktir. 4. Ávörp gesta Jón Bjarnason landbúnaðarráðherra ávarpaði fundinn og lýsti ánægju sinni með að vera staddur meðal skógarbænda á aðalfundi þeirra. Sagði hann að með tilkomu skógræktarverkefnanna fyrir 20 árum hafi orðið straumhvörf í skógrækt. Sagði ráðherra að uppbygging verkefnanna hefði verið gerð í samvinnu við bændur og reynt að byggja nytjaskógræktina upp eins og hverja aðra búgrein. Nú sé komin fullvissa um að markmið um raunverulega nytjaskóga getur náðst. Á næstu 100 árum, eðlilegri lotulengd skógar, muni verða til mikið magn af viði við grisjun og lokahögg þegar þar að kemur. Fjöldi starfa hafa skapast í kringum bændaskógaverkefnin, skógurinn stækkar og verkefnin treysti byggð í landinu. Úrtöluraddir hafa heyrst en þær séu settar fram af vanþekkingu á verkefnunum og öfund. Undanfarna mánuði hefur verið starfandi nefnd til að vinna að stefnumörkin í nytjaskógrækt og hefur hún lokið störfum en ráðherra hefur ekki unnist tími til að kynna sér lokaskýrslu nefndarinnar ítarlega. Fáein atriði úr skýrslunni sem ráðherra drap á voru; aukinn almennur skilningur sé á jákvæðum áhrifum skóga, samdráttur er í fjármagni til verkefnanna, áratugareynsla sé komin af verkefnunum en enn má bæta framkvæmdina. Sagði ráðherra að í vetur yrði Alþingi að vinna langtímaáætlun með hliðsjón af skýrslunni. Rekstur verkefnanna þarfnast endurskoðunar, stjórnir þeirra eru umboðlausar og sagðist ráðherra munu íhuga hvernig skal standa að skipun nýrra stjórna. Sagði hann enga umbyltingu framundan en sjálfsagt væri að fara yfir og skoða skipulag verkefnanna. Hvernig á að vinna til nýrrar framtíðar? Ráðherra leitar eftir samstarfi við LSE og framkvæmdaaðila heima í héruðum við þessa endurskoðun s.s. varðandi samþættingu verkefnanna. Stærsti árangurinn í bændaskógrækt sé drifkraftur fólksins heima í héruðum. Niðurskurður sé óhjákvæmilegur og bitni því miður á því en ráðherra telur skógrækt eiga mikla framtíð fyrir sér. Horfir til skipulagsbreytinga á verkefnunum í nánu samráði við bændur og forystufólk þeirra. Þó alls staðar sé hægt að rækta skóg eru þó skilyrði mismunandi, hvar á að rækta skóg og á hvaða tegund skógræktar á að leggja mesta áherslu á miðað við aðstæður? Þá nefndi ráðherra kolefnismál sem munu hafa áhrif á þróun skógræktarmála og þau gæti orðið til þess að auka fjármagn til skógræktar. Bændaskógrækt er landbúnaðarmál og á að vistast hjá landbúnaðarráðuneytinu. Jón Loftsson skógræktarstjóri ávarpaði fundinn og sagði að á þessum tímamótum fögnum við því að LSE er 13 ára og 20 ár liðin frá því að fyrsta verkefnið tók til starfa og Skógrækt ríkisins sé 103 ára. Það hafi tekið rúmlega 80 ár áður en hafist var handa að alvöru við að endurheimta skógana. Sumri væri tekið að halla en að baki sé eitt besta sumar sem um getur í trjárækt. Því er ekki að neita að niðurskurður hefur bitnað harkalega á skógræktarstarfi, rannsóknum, gróðrarstöðvum og framkvæmdum bænda. Hrunfjárlögin nýframlögðu eru sögð forgangsraða vitlaust, 300 þúsund manna þjóð geti ekki eytt 400 milljónum í skógrækt er greint frá í fréttum núna en erum við að forgangsraða rétt eða rangt? Skógrækt getur hjálpað í ,,næstu” kreppu. Ef hún væri ekki hvar stæðum við þá? Margt hefur áunnist og skógarnir eru nú þegar nýttir s.s. til spónaframleiðslu og iðnviðar, sparar þar með gjaldeyri vegna innflutnings. Jón sagði frá störfum nefndar undir sinni forystu sem hefur verið að störfum en hún fjallar um framtíðarstefnumörkun í skógrækt í landinu; Skógar og skógrækt –stefna. Nefndin hefur sjálfbæra þróun að leiðarljósi. Skógar framtíðarinnar eru afleiðing framkvæmda nútímans. Skýrsla nefndarinnar hefur verið send víða til umsagnar og í lok mánaðarins fer nefndin yfir allar framkomnar ábendingar og athugasemdir og í framhaldinu er hægt að marka stefnuna. Önnur nefnd hefur verið að störfum, Nytjaskóganefndin svokallaða, sem ráðherra hafi m.a. rætt um í erindi sínu. Með tilkomu verkefnanna urðu straumhvörf í skógrækt í landinu, fram til stofnunar þeirra byggði skógrækt í landinu aðallega á vinnu Sr, SÍ og sjálfboðaliða. Í þessari kerfisbreytingu gafst bændum kostur á að fara út í skógrækt sem búgrein og hefur stofnun þeirra án efa treyst búsetu í byggðum landsins. Stiklaði Jón yfir nokkra þætti úr skýrslu nefndarinnar; að vel hafi tekist til með tilkomu verkefnanna, ekki bara varðandi skógræktarframkvæmdirnar sjálfar heldur einnig í afleiddri þjónustu og verslun, margvísleg félagsleg áhrif sem og mótvægi gegn gróðurhúsaáhrifum. En enn má bæta og gera betur og í lokin hvatti skógræktarstjóri bændur til að standa vörð um störf verkefnanna þar sem skógrækt hafi margfaldast með tilkomu þeirra. Björgvin Örn Eggertsson frá Endurmenntunardeild Landbúnaðarháskóla Íslands ávarpaði fundinn. Björgvin er verkefnisstjóri Grænna skóga sem hófst 2001 en úr þeirri námskeiðsröð hafa 150 skógarbændur útskrifast og enn fleiri setið námskeiðin þar sem ekki hafi allir úrskrifast formlega. Upp úr Grænni skógum I spruttu Grænni skógar II þar sem meira var farið í umhirðu skógarins. Eins og GS I er um þriggja ára nám að ræða í námskeiðaformi. Búið að keyra GS II einu sinni fyrir austan og nú í haust hófst slík röð á Suður og Vesturlandi. Búið er að auka við efnið og stefnt er á samstarf við erlenda aðila. Björgvin fór einnig yfir önnur námskeið Endurmenntunardeildarinnar sem mörg passa skógarbændum en námskeiðin eru um 100 á ári af ýmsum gerðum og fara fram víða um land. Árangur af námskeiðunum er góður og segir Björgvin starfsmenn skógræktarverkefnanna svo sannarlega verða vara við það að skógarbændur séu búnir að sækja sér þekkingu sem bætir gæði og árangur í skógrækt. Sagði Björgvin frá námskeiði sem átti að prufa í fyrra um gamla traktora en það sló algjörlega í gegn og nú sjöunda traktorsnámskeiðið að fara af stað. Einnig var ákveðið að prófa torfhleðslunámskeið sem einnig sló í gegn og nú er fimmta námskeiðið að fara í gang. Björgvin flutti kveðjur rektors Lbhí, Ágústar Sigurðssonar og prófessors Bjarna Diðriks Jónssonar sem stýrir skógfræðibraut skólans. Sagði Björgvin skólann vilja halda áfram samvinnu við LSE og bændur. 5. Umræður um skýrslu stjórnar Björn Bj. Jónsson framkvæmdastjóri LSE sagði formanninn, Eddu, hafa farið vel í gegnum störf LSE í skýrslu sinni. Sagðist líka ánægður með starf skógarbændafélaganna. Taldi teikn á lofti um að starfið í félögunum væri vel virkt og sæist það vel í fundarsókn. Björn sagðist vera glaður í bragði, skógurinn aldrei vaxið eins mikið og á þessu ári. Mjög sáttur við að hafa fengið að taka þátt í störfum landshlutaverkefnis. Björn fullyrti að ekkert verkefni á vegum landbúnaðarráðuneytis hefði heppnast eins vel og landshlutaverkefnin og þá ekki síst varðandi samvinnu þéttbýlis og dreifbýlis. Niðurskurður er ekki vandamál heldur verkefni til að takast á við og að lokum hvatti hann fólk til að tjá sig. Björn Ármann Ólafsson kom upp til að lýsa ánægju sinni með skýrslu stjórnar. Sagði samt mikið starf framundan, skógrækt væri á viðkvæmu stigi en lýsti jafnframt ánægju sinni með orð landbúnaðarráðherra um stuðning við nytjaskógrækt. Það sem skógarbændur ætla að gera fyrir þjóðina er að rækta skóg til að nýta hér á landi sem er ekki lítið til að geta gripið til þegar illa árar. Sagði skógrækt vera framtíð okkar og að henni yrði að standa vel að. Sigvaldi Ásgeirsson sagðist gleðjast yfir góðri mætingu. Benti á að kirkjan í Reykholti væri nýbúin að leggja til 200 hektara undir skóg. Varðandi störf LSE vildi hann víkja að einu máli en það væri skipulagsmál sveitarfélaga en þar dúkkuðu reglulega upp ,,draugar” sem þyrfti að kveða niður. Hvetur LSE, félögin, SR og LHV að leggjast á eitt að vinda ofan af þeirri vitleysu Umhverfisstofnunar að skógrækt sé óheimil nær ár og vatnsbökkum en 30 metra sem hann tók sem dæmi um vitleysuna en komið væri fram að skógrækt fram á bakka væri ákaflega æskileg. Þessu þarf að vinda ofan af og nokkrum fleiri ,,draugum”. Björn Jónsson þakkaði Sigvalda innleggið og sagði þetta ekki það eina sem á þyrfti að taka á varðandi skipulag, sagði þetta góða ábendingu. Sagði að stundum virtist sem þeir sem vinna við skipulag hafi ekki nægilega yfirsýn. Sagði LSE eiga eftir vinna að þessum málum. 6. Erindi Endurskoðun landshlutaverkefnanna – Valgerður Jónsdóttir Valgerður Jónsdóttir framkvæmdastjóri Norðurlandsskóga flutti erindi um endurskoðun landshlutaverkefnanna útfrá skýrslu nefndar um stefnumörkun í nytjaskógrækt en Valgerður sat í nefndinni fyrir hönd skógaræktarverkefnanna. Hlutverk nefndarinnar, sem hefur verið kölluð Jóns Birgis nefndin (JB-nefndin), var að leggja mat á hvernig til hefur tekist með framkvæmd landshlutaverkefnanna til þessa með hliðsjón af umfangi gróðursetningar og árangri. Eins og áður hefur komið fram í máli manna á fundinum hafa tvær nefndir verið að störfum er varða stefnumörkun í skógrækt, kallaðar Jóns Loftssonar nefndin (JL-nefndin) og Jóns Birgis nefndin. Valgerður fór yfir muninn á þessum tveimur nefndum en hann er sá helstur að skýrsla með niðurstöðum JL-nefndarinnar fer til ríkisstjórnar og mun í framhaldinu móta stefnu í skógræktarmálum landsins en skýrsla með niðurstöðum JB-nefndarinnar fer til ráðherra sem vinnur svo útfrá henni eins. Fór yfir störf JB-nefndarinnar og ólík sjónarmið nefndarmanna, nefndi t.d. verkfræðinga sem vildu reikna, m.a. var reiknað út áætlað magn afurða úr skóginumþ Í upphafi var ákveðið að skýrslan yrði hörð, ekkert hallelúja, miklum upplýsingum safnað og gott yrði að hafa þær upp á framtíðina að gera. Nefndarmenn voru 10. Sagðist Valgerður halda að aldrei áður í sögu skógræktar hafi verið reynt að hafa þessa tíu aðila saman í herbergi. Nefndin heimsótti öll verkefnin og félög skógarbænda, fundaði með stjórn LSE, BÍ og Skógrækt ríkisins. Meðal þátta sem voru skoðaðir voru: Skipulag og rekstur LHV, þáttur LHV í uppbyggingu atvinnulífs og byggðaþróun, hlutverk LHV í viðbrögðum Íslands við loftslagsvandanum og í hagvörnum, þarfir LHV á sviði rannsókna og nýsköpunar og til að auka framleiðni í ræktun skóga, möguleikar á afsetningu afurða úr skógum, náttúruverndarsjónarmið, viðhorf til landnotkunar í íslenskum landbúnaði og fræðsla og menntun í skógrækt Helstu niðurstöður nefndarinnar voru m.a. að miðað við núverandi fjárveitingar til LHV blasir við að verkefnin eru óhagstæð í rekstri, þáttur landshlutaverkefnanna í uppbyggingu atvinnulífs og byggðaþróun væri mikill en þann þátt mælir nefndin með að verði rannsakaður betur, að landshlutaverkefnin hafi skilgreint hlutverk í viðbrögðum Íslands við loftslagsvandanum og hagvörnum, að auka og efla þurfi rannsóknir á sviði skógræktar til að auka framleiðni í ræktun skóga og margt, margt fleira. Varðandi LSE þá var nefndin sammála um: að samtökin undirbúi markaðssetningu á afurðum skóga skógarbænda, hvort sem eru hefðbundnar timburafurðir eða aðrar skógarnytjar, að samtökin styðji sprotafyrirtæki sem koma fram m.a. með því að tryggja hráefni til vinnslu og einnig með faglegri aðstoð s.s. að upplýsa kaupendur um eiginleika hráefnis úr íslenskum skógum, að samtökin vinni markvisst að aukinni fræðslu fyrir skógareigendur sem skili sér m.a. í minni afföllum í gróðursetningum og auknum gæðum skógarafurða, að stjórnvöld tryggi fjárveitingar til Landssamtaka skógareigenda meðan auðlindin er að byggjast upp. Þá sagði Valgerður að það væri mat nefndarinnar að vel hafi tekist til um framkvæmd landshlutaverkefnanna og áhrifa þeirra gæti víða, ekki aðeins með stóraukinni skógrækt heldur og hafa fylgt þeim ný störf á mörgum sviðum s.s. verslunar og þjónustu. Eindregið er mælt með því að haldið verði áfram stuðningi í skógrækt á grunni þess starfs og reynslu sem áunnist hefur á síðustu áratugum hjá verkefnunum Í kjöfar efnahagshruns þjóðarinnar hefur orðið samdráttur á fjárveitingum hins opinbera. Það er mat nefndarinnar að leita verði allra leiða til sem minnst dragi úr skógrækt við þessar aðstæður og að skipulag og framkvæmd verkefnanna taki mið af því að skógrækt verði aukin og efld í náinni framtíð Efniviður úr íslenskum skógum til blómaskreytinga: vannýtt auðlind - Steinar Björgvinsson Steinar flutti erindi um Bs verkefni sitt í skógfræði við Lbhí. Steinar er jafnframt garðyrkjumaður að mennt, lærði blómaskreytingar og starfar nú hjá Skógræktarfélagi Hafnarfjarðar. Verkefnið var rannsókn á efnivið úr íslenskum skógum til skreytinga. Skreytingarefni er 95% innflutt og því miklir ónýttir möguleikar þar fyrir innlenda framleiðslu. Rannsakaðar voru 34 tegundir í samanburðarrannsókn og leitað til fagfólks til að prófa efniviðinn og svara ítarlegum spurningum um gæði og mögulega notkun afskorinna greina, sprota og runna í alls konar skreytingar. Fór Steinar vel yfir hvernig rannsóknin hefði verið unnin, val á tegundum, meðferð og faglegt mat á innlendu greinaefni við rannsóknina. Þá fór Steinar yfir niðurstöður rannsóknarinnar á því í hvaða gerðir skreytingaefnið hentaði en þar kom m.a. fram að hengibjörk hentaði vel í flestar gerðir skreytinga eða 7 af 8, að sitkaelri hentaði vel í 5 gerðir skreytinga, að einir, fjallaþinur, hvítþinur, ilmbjörk og síberíulerki með könglum þóttu henta vel í 4 gerðir skreytinga. Af rannsókninni má draga þá ályktun að að auka megi hlut íslenskra greina á skreytingamarkaðnum. Byggist sú ályktun á því hversu hentugar margar íslensku trjátegundirnar þóttu til skreytinga bæði hefðbundnar tegundir og minna þekktar á þessu sviði. Þá kom fram að innflutningur væri dýr og að skógræktendur gætu haft tekjur af greinaframleiðslu t.d. á fyrstu stigum timburskógræktar eða með markvissri ræktun fyrst og fremst til greinaframleiðslu (t.d. á beðum). Aðrar skógarnýtjar – Björn Bjarndal Jónsson Björn Bj. Jónsson framkvæmdastjóri LSE flutti erindið, Aðrar skógarnytjar, en samtökin hafa verið að vinna verkefni um aðrar skógarnytjar og hefur verkefnið hlotið vinnuheitið Skógargull. Verkefnið er nýfarið af stað en þó það langt að það er komið á glærur. Skógarnytjar felast í fleiru en timbri og er farið í verkefnið til að auka fjölbreytni á nýtingu afurða úr skógum á Íslandi. Skógar heimsins skapa mikil verðmæti, það sama gildir um íslenska skóga og liggja miklir möguleikar í nýtingu og úrvinnslu. Markmiðið er að sýna fram á mismunandi leiðir til að skapa verðmæti úr því sem til staðar er og gæti orðið ef rétt er á málum haldið. Skógarbændur hafa í dag takmarkaða möguleika á að verða skógarbændur í fullu starfi. Að framleiða timbur tekur tugi ár. Með því að nýta skógana til framleiðslu á öðrum afurðum en timbri getur skógareigandinn haft reglubundnar tekjur af skóginum fram að skógarhöggi. Fór Björn yfir þá fjölmörgu möguleika sem liggja í afurðum skógarins og nýtingu þeirra s.s. ber, fræ, olíur, sætuefni, hnetur, krydd, sveppi, hunang, fuglakjöt, bývax og ferðaþjónustu. Hægt er að framleiða ýmislegt úr því sem finnst í skóginum t.d. lyf, eldsneyti, lím, litarefni og svo mætti lengi telja. Þá er ótalin ýmis þjónusta s.s. útvist, heilsuvernd, vatnsvernd og upplifun að ógleymdu hlutverki skógarins við kolefnisbindingu. Markmið verkefnisins er að: auka fjölbreytni á skógarsvæðum þannig að skógareigendur geti nýtt sín svæði betur með fjölbreyttari verkefnum og afurðum sem skila verðmætum, að finna leiðir til þess að skógarbóndi fái fyrr innkomu sem eykur um leið möguleikann á að hann geti stundað skógrækt í fullu starfi. Að verkefninu loknu eigi að vera tilbúnir ákveðnir möguleikar og lausnir á mismunandi hugmyndum sem landeigandi getur notfært sér og að möguleikarnir eiga að endurspegla þörf landans á náttúrulegum afurðum, áhugasviði landeigandans og möguleika á landinu sjálfu. 7. Mál lögð fyrir fundinn - skipað í nefndir fundarins og málum vísað til nefnda. Edda Kr. Björnsdóttir gerði grein fyrir eftirfarandi tillögum frá stjórn LSE: 1. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að haldin verði ráðstefna í tengslum við aðalfund LSE”. Greinargerð: Undanfarin ár hefur verið haldin metnaðarfull ráðstefna í skógrækt hér á landi. Ráðstefnan hefur að miklu leiti verið stíluð inn á svið fagfólks. Skógareigendur telja því tímabært að haldin verði ráðstefna þar sem einvörðungu verði höfðað til fagsviðs skógareigenda. Ráðstefnan yrði haldin á sama stað og aðalfundur LSE er haldinn og er ætlaður tími frá 10:00 til 16:00 fyrri dag aðalfundarins. Vísað til félagsmálanefndar 2. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að farið verði í verkefni með LbhÍ sem á að tryggja meiri uppskeru ísl. skóga. Verkefnið yrði unnið á nokkrum árum”. Greinargerð: Mikilvægt er að fjármagn sem er ætlað í nytjaskógrækt nýtist sem best. Til að tryggja að skógar framtíðarinnar uppskeri sem mest og tryggi þannig ásættanlega innkomu fyrir alla aðila þá er lagt til að farin verði svipuð leið og þekkist í nágrannalöndum okkar til að auka afkastagetu skóganna. Má í því sambandi nefna verkefnið í Svíþjóð ,,Kraftsamlig skog”. Vísað til allsherjarnefndar 3. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að hefja stórsókn í ræktun jólatrjáa. Gert yrði 12 ára ræktunarplan sem ,,hópverkefni” fyrir væntanlega jólatrjáabændur”. Greinargerð. Undanfarin ár hefur komið í ljós að íslenskir ræktunaraðilar eru ekki að framleiða það magn af jólatrjám sem þarf til að metta markaðinn. Mikilvægt er því að áhugasamir skógareigendur hefjist handa við akurræktun jólatrjáa undir handleiðslu færustu sérfræðina á því sviði. LSE gegni forustuhlutverki í þessu átaksverkefni og leiði það sem hópverkefni áhugasamra skógarbænda. Vísað til allsherjarnefndar 4. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 fagnar verkefninu “Skógargull” sem LSE hefur haft forgöngu um. Jafnfram hvetur fundurinn til að hraðað verði vinnu við lokafrágang og útgáfu verkefnisins, en um leið að unnið verði að framkvæmd einstaka þátta þess”. Vísað til félagsmálanefndar 5. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að átak verði gert í þróun og markaðssetningu íslenskra viðarafurða”. Greinargerð: Nú þegar eru að falla til viðarnytjar úr íslenskum skógum. Mikilvægt er að LSE hafi forgöngu um markaðssetningu og úrvinnslu úr timbri. Afkoma skógareigenda á eftir að byggjast að verulegu leiti á hvernig til tekst að selja afurðir skóganna. Það er því mikilvægt að hafist verði handa með markvissa vinnu við afurðaþátt skógareigenda sem snýr að timbri. Vísað til allsherjarnefndar 6. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 leggur til við stjórn LSE að hún hafi forgöngu um endurskoðun á SKÓGRÆKT - Í SÁTT VIÐ UMHVERFIÐ, LEIÐBEININGAR UM NÝRÆKTUN SKÓGA. Tryggja þarf að reglurnar falli betur að nytjaskógrækt, en gerir í dag” Vísað til félagsmálanefndar 7. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að unnið verði að stefnumörkun 2011 til 2015 fyrir LSE. Stefnumörkunin verði lögð fyrir aðalfund LSE 2011”. Greinargerð: LSE hefur samþykkt stefnumörkun fyrir árin 2000 til 2005 og síðan aftur fyrir árin 2005 til 2010. Tímabært er því að endurskoða stefnuna fyrir árin 2011 til 2015 Vísað til félagsmálanefndar 8. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að skora á umhverfisráðherra að láta fara fram endurskoðun á lögum um Viðlagatryggingu Íslands þar sem gert yrði ráð fyrir að vátryggingu á skógum fylgi vátryggingarvernd af völdum tjónsatburða, sem Viðlagatrygging Íslands hefur með að gera”. Greinargerð: Undanfarin ár hefur LSE unnið að brunavörnum og brunatryggingu á skógum. Sú vinna er að mestu lokið en ekki er hægt að ljúka þeirri vinnu að fullu fyrr en viðurkenning fæst fyrir að brunatrygging skóga gildi um leið sem vátryggingarvernd annarra tjóna en skógarelda. Vísað til laganefndar Þórarinn Svavarsson gerði grein fyrir eftirfarandi tillögum frá stjórn LSE: 1. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir eftirfarandi fjárhagsáætlun fyrir starfsárið 2011: Rekstrartekjur 2011 2009 Félagsgjöld 900.000 608.000 Ýmis framlög 300.000 337.416 Vaxtatekjur 300.000 240.163 Auglýsingar 250.000 Ríkisframlag 7.000.000 7.000.000 Tekjur alls 8.500.000 8.435.579 Rekstrargjöld Kostnaður vegna aðalfunda 800.000 888.000 Stjórnar- og fundakostnaður 1.000.000 1.408.821 Ráðstefnur og námskeið 100.000 13.800 Þróunarvinna 2.000.000 585.314 Rekstur skrifstofu 4.000.000 3.182.571 Blaðaútgáfa 250.000 665.460 Annað 320.000 263.686 Vaxta- og bankakostnaður 30.000 20.318 Gjöld alls 8.500.000 7.028.050 Rekstrarhagnaður (tap) 0.- 1.407.529 Vísað til fjárhagsnefndar 2. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að stjórn LSE fái þóknun fyrir árið 2011 sem hér segir: Formaður 120.000 120.000 Gjaldkeri 90.000 90.000 Aðrir stjórnarmenn 80.000 240.000 --------------------------------------------------------------------------- Stjórnarlaun samtals 450.000 Vísað til fjárhagsnefndar 3. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að félagsgjöld verði 1.500.-” Vísað til fjárhagsnefndar María E. Ingvadóttir gerði grein fyrir eftirfarandi tillögum frá Félagi skógareigenda á Suðurlandi til aðalfundar LSE 2010: 1. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, skorar á stjórn LSE að fylgja fast eftir við landbúnaðar- og sjávarútvegsráðuneytið, þeirri ósk sem fram er borin í umsögn samtakanna um drög að stefnu Íslands um skóga og skógrækt, að skipuð verði ný nefnd er vinni nýjar tillögur og að skógareigendur eigi fulltrúa í þeirri nefnd. Greinargerð: Þegar stefna Íslands um skóga og skógrækt er mörkuð, þarf að hafa að leiðarljósi alla þá þætti er skipta máli og eru samstíga faglegri þekkingu og nytjum á skógi í fullri sátt við skynsamleg og heiðarleg umhverfissjónarmið. Það liggur því beint við að skógareigendur muni eiga fulltrúa í þessari nefnd. Vísað til félagsmálanefndar 2. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að sett verði á fót laganefnd er endurskoði lög félagsins og skili af sér ekki seinna en tveimur mánuðum fyrir næsta aðalfund. Lagt er til að sérstaklega verði 3. greinin skoðuð, en hún fjallar um stjórn og stjórnarkjör. Greinargerð: Það sem býr að baki þessari tillögu er að gera stjórnun félagsins enn skilvirkari. Skoða mætti þá hugmynd að formaður væri kosinn sérstaklega, meðstjórnendur væru 7, þar af mundu tveir skipa framkvæmdastjórn, ásamt formanni. Einnig að hver stjórnarmaður sitji aldrei samfellt lengur en tvo kjörtímabil í stjórn félagsins. Framkvæmdastjórn mundi funda reglulega, en öll stjórnin eins oft og þörf væri á, en þó minnst, til dæmis tvisvar á ári. Reynslan sýnir að fámenn framkvæmdastjórn er gjarnan virkari og skjótari til ákvarðana, en stærri stjórn. Vísað til laganefndar 3. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að skipuð verði nefnd eða vinnuhópur sem falið verði að gera tímamælingar á öllum vinnuþáttum við skógrækt, en þessar mælieiningar eru undirstaða vinnutaxta bænda. Taka þarf tillit til landgæða, gerð plantna, áburðarþörf og annarra þátta er máli skipta og því er mikilvægt að þær séu gerðar á nokkrum stöðum á landinu. Greinargerð: Nokkuð er um liðið síðan að síðast voru gerðar tímamælingar á verkþáttum við gróðursetningu og skógrækt. Þessar tímamælingar verða að endurspegla þá vinnu sem unnin er á hverjum tíma og eru mikilvægur liður í samræmdum útreikningum á greiðslum til bænda. Vísað til taxtanefndar 4. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, skorar á taxtanefnd að ljúka sem fyrst störfum, þannig að fyrir liggi ákveðinn launataxti sem fast viðmið og að hann verði hluti af samræmdum útreikningum á verkþáttum hjá öllum verkefnunum. Greinargerð: Mikilvægt er að taka mið af ákveðnum viðurkenndum vinnutaxta. Laun bænda taka mið af launataxta Starfsgreinasambandsins og ef litið er til hæsta taxta verkafólks, með 7 ára reynslu, er hann ekki langt frá því, sem nú er greitt fyrir vinnu við gróðursetningu. Mikilvægt er að gæta hófsemi í launaliðnum, því að því hærri sem hann er, því minna er eftir til plöntukaupa. Sú hófsemi er líka mikilvæg nú á tímum niðurskurðar og gagnrýni á hlutfall launa- og reksturskostnaðar, borið saman við hlutfall plöntukaupa í heildarkostnaði. Vísað til taxtanefndar 5. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að ráðinn verði framkvæmdastjóri í fullt starf til samtakanna. Greinargerð: Ljóst er að framundan eru stór og mikilvæg verkefni. Hagsmunir skógarbænda og skógrækt á Íslandi standa á tímamótum og vinna þarf skógræktinni þann sess í atvinnulífi landsmanna sem henni ber. Í stað varnaraðgerða þarf að snúa til sóknar. Varla er hægt að gera ráð fyrir að framkvæmdastjóri í hálfu starfi anni þeim verkefnum sem ráðast þarf í á næstu misserum hjá Landssamtökum skógareigenda. Vísað til fjárhagsnefndar 6. tillaga 6 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að stjórn LSE beiti sér fyrir því að á næstu vikum verði unnin stefnumörkun fyrir næstu fimm árin, árin 2011 til 2015. Þar verði um að ræða heildar stefnumörkun um ræktun nytjaskóga og úrvinnslugreinar, með það að markmiði að ná fram hagkvæmni í greininni og sem mestu verðmæti afurða skógarins. Einnig að sýnt verði fram á mikilvægi greinarinnar í atvinnuuppbyggingu landsmanna og nauðsyn þess að hún verði studd til stórra verka. Greinargerð: Áður hefur verið unnin 5 ára stefnumörkun í tvígang og nú er jafnvel enn meiri þörf en áður á að marka skýra stefnu hvert skal haldið og hvernig. Skógrækt er nú þegar og verður enn mikilvægari atvinnugrein, en hún hefur ekki verið tekin sem slík, hingað til. Það er til dæmis furðulegt, að skógarbændur eigi ekki sæti í öllum þeim nefndum og ráðum er fjalla um skógrækt og stefnumörkun um skóga og skógrækt. Það er verið að endurskoða verklagsreglur og skipulag landshlutaverkefna, með lítilli aðkomu skógarbænda. Opinberir aðila virðast lítið vita um félag skógareigenda, þegar leitað er eftir sjónarmiðum hagsmunasamtaka. Skógarbændur verða að taka höndum saman um að gera raunhæfar áætlanir um nýskógrækt og setja aukinn kraft í nýgróðursetningu. Það er auðvelt að færa rök fyrir margföldunaráhrifum þeirra fjármuna sem settir eru í þessa grein. Afurðir skógarins eru verðmæti sem nýta þarf sem best og því þarf að skoða, með hvaða hætti viðarframleiðendur verða best aðstoðaðir við að koma vöru sinni á markað, vinna nýjar vörur, markaðssetja þær og fá sem mest verðmæti fyrir þær. Ljóst er að ýmsar úrvinnslugreinar munu dafna og vaxa með aukinni nýtingu skógarafurða. Vísað til allsherjarnefndar Fundarstjóri gerði grein fyrir eftirfarandi tillögu frá taxtanefnd: 1. tillaga ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að skipaðir verði vinnuhópar á vegum landshlutaverkefnanna, sem falið verði að gera tímamælingar á öllum verkþáttum í skógrækt. Launanefndin eigi fulltrúa við tímamælingarnar.” Greinargerð: Verkefni nefndarinnar verður að skilgreina hvað telst eðlilegur kostnaður við skógræktina, sem þá teljast til greiðslna fyrir: gróðursetningu, girðingar, áburðargjöf, grisjun, tvítoppaklipping, uppkvistun, slóðagerð, brunavarnir og önnur verk sem nauðsynleg eru í skógrækt. Markmið vinnuhópsins er að öll verkefnin verði unnin á sömu töxtum. Vísað til taxtanefndar Lúðvíg Lárusson, Breiðabólsstað, gerði grein fyrir eftirfarandi tillögum: 1. tillaga Undirritaður skógarbóndi leggur til að Landsambandið stofni til nýrrar nefndar á sínum vegum sem hefur það markmið í samvinnu við stjórnvöld og sveitarfélög að koma á eðlilegu banni við lausagöngu búfjár og lausnum á því með sanngjörnum reglum sem gæta jafnræðis og virða eignarrétt landeigenda sem hafa ekki búfjárhald né vilja beit annarra á jörðum sínum. Styðja beri skógarbændur til að geta lýst yfir lausagöngubanni búfjár á eignarlöndum sínum þar sem þess er óskað. Nefndinni er ætlað að virkja löggjafarvaldið og Alþingi til að setja lög og reglur sem tryggja landeigendum og skógarbændum raunverulega og virka vernd gegn beitarágangi. Forsendur: Þekkt er að laust sauðfé fer mjög víða og gjarna í gamla beitarhaga. Tvílembd kind étur 5-8 kg af allskonar ferskfóðri á dag yfir sumarið þannig að hver gestgjafi getur reiknað eignatjónið sitt. Enda þótt skógarbændur í landshlutaverkefnum fái greitt fyrir girðingarkostnað í gróðursetningarverkefnum sínum eru margir sem hafa einnig aðra skóga frá fyrri tíð þar fyrir utan, dæmigerða birkiskóga, og vilja vernda þá fyrir beit sem og að friða land til að búa í haginn fyrir sjálfsáningu. Vilji skógarbændur hefja landgræðsluátak af ýmsu tagi á jörðum sínum eru þeir í dag í reynd neyddir til að girða sig af á því svæði sem þeir vilja verja fyrir beitarágangi með ærnum tilkostnaði. Hér er viðteknu réttlæti snúið á haus að sá/sú sem hefur ekki eigna-, eða umráðaréttinn fær að taka hann samt. Að mestu hefur tekizt að láta landann virða veiðirétt í laxveiðiám til samanburðar. Er hér um augljósan og sjálfsagðan rétt jarðaeigenda að ræða að ákveða hvernig lönd þeirra eru nýtt. Það hefur verið rík hefð fyrir því að virða eignarrétt bænda á lífsviðurværi sínu í matvælaframleiðslu sbr. afstöðu til sauðaþjófnaðar, en skógrækt er svo ný af nálinni að kenna þarf landanum sambærilega siði varðandi gróðurnýtingu. Vísað til allsherjarnefndar 2. tillaga Aðalfundur Landsambands skógareiganda haldinn í Reykholti í Borgarfirði 8. október, 2010 skorar á sveitarstjórn Dalabyggðar að endurskoða afstöðu sína til lausagöngubanns búfjár innan svæðis Landgræðslufélags Skógarstrandar. Jafnframt skorar Landsambandið á Dalabyggð að vinna með Landgræðslufélagi Skógarstrandar að gerð deiliskipulags á svæðinu um landgræðslu og skógrækt. Með ákvörðun sinni dags. 24.08.10 er sveitarstjórn Dalabyggðar að leggja miklar fjárhagslegar byrðar á meðlimi Landgræðslufélagsins, sem með þessari ákvörðun eiga ekki möguleika á styrk frá Vegagerðinni skv. Vegalögum. Sveitarstjórnin hefur ekki gefið neinar skýringar á ákvörðun sinni né rökstutt hana á nokkurn hátt. Er hér um verulegt hagsmunamál fyrir Landgræðslufélagið og framgang skógræktar innan svæðis Vesturlandskóga. Óskiljanlegt er að sveitarstjórnin vilji ekki styðja við slík verkefni né að bjóða samvinnu um deiliskipulag á svæðinu þar sem víða sé stefnt að skógrækt í Aðalskipulagi Dalabyggðar 2004-2016. Vísað til allsherjarnefndar Jóhann Gísli Jóhannsson gerði grein fyrir eftirfarandi tillögum frá stjórn Félags skógarbænda á Austurlandi: 1. tillaga Stjórn Félags skógarbænda á Austurlandi leggur til að mælingar fari fram hið fyrsta í samvinnu við landshlutaverkefnin á vinnuþáttum, og e.t.v. fleiru sem til álita kæmi, við framkvæmdir sem landshlutaverkefnin greiða. Greinargerð: Stjórn FSA telur að taxtanefnd LSE þurfi að geta stutt tillögu að töxtum með tölulegum upplýsingum um hvaðeina sem viðkemur framkvæmdum á vegum skógræktarverkefnanna. Það er ekki unnt nema fram fari mælingar og athuganir á því sem til er lagt á móti greiðslum. Vísað til taxtanefndar 2. tillaga Stjórn FSA gerir að tillögu sinni að skógarbændur sitji fyrir vinnu við grisjun og aðra umhirðu eigin skóga, kjósi þeir svo . Greinargerð: Nú færist í aukana að bjóða út grisjun (bilun) á bændaskógum. Gætt hefur nokkurrar óánægju meðal skógarbænda með reglur sem farið er eftir. Telja ýmsir að við útboðin sé gengið á sinn rétt til vinnu við eigin skógrækt. Til að sem flestir geti verið ánægðir með sinn hlut er vænlegt að setjast að samningaborði og ná sáttum um þetta mál. Vísað til allsherjarnefndar 3. tillaga Stjórn FSA leggur til við LSE að reynt verði að fá landshlutaverkefnin til að leggja fram fé til að styðja við þá samningsbundna skógarbændur sem hafa hug á að hefja ræktun jólatrjáa. Stuðningur miðast við fyrstu vaxtarlotu. Greinargerð: Kostnaður við að hefja jólatrjáaræktun og binda fé í henni þar til sala getur hafist, er meiri en svo að venjulegur skógarbóndi ráði við hann. En þar sem markaður ætti að vera tryggur svo lengi sem jólahald helst í því horfi sem nú er ætti að vera hagstætt að hlú að innlendri jólatrjárækt úr sjóði þjóðarinnar. Vísað til allsherjarnefndar 4. tillaga ,,Aðalfundur LSE samþykkir að skora á landbúnaðarráðherra að gæta þess við skipan í stjórnir fyrir landshlutaverkefnin verði hagsmuna heimamanna gætt.” Vísað til allsherjarnefndar Allsherjarnefnd – Formaður; Ásvaldur Magnússon. Fjárhagsnefnd – Formaður; Jóhann Gísli Jóhannsson. Félagsmálanefnd – Formaður: Hörður Harðarson. Laganefnd – Formaður; María E. Ingvadóttir. Uppstillingarnefnd – Formaður; Björn Ármann Ólafsson. Taxtanefnd: - Formaður; Sigurður Jónsson. 8. Aðalfundi frestað og nefndastörf hefjast. Kvöldmatur. 10. Kynning á leiðarvísi fyrir ungskógaumhirðu (bilun) – Hlynur Gauti Sigurðsson Hlunur Gauti Sigurðsson verkefnastjóri hjá Héraðs-og Austurlandsskógum kynnti tilurð leiðarvísis í bilun ungskóga en að honum hefur verið unnið sl. ár hjá verkefninu. Tilurð vinnunnar er sú að á Fljótsdalshéraði eru margir skógar komnir á það stig að nauðsynlegt er að grípa til aðgerða til að stuðla að hámarksvexti skóganna til framtíðar. Þó ýmis gögn liggi fyrir um grisjun eldri skóga, þá finnast fá gögn um meðhöndlun ungskóga. Þá hefur ekki verið til staðlað gæðamat fyrir skógarumhirðu í ungum íslenskum skógum en slíkt gæðamat á að tryggja heilbrigði skógarins sem og hag allra sem að málum koma. Leiðarvísirinn var unnin í samstarfi Héraðs-og Austurlandsskóga, Félags skógarbænda á Austurlandi og Skógræktar ríkisins og hafa fjölmargir lagt hönd á plóginn. Afrakstur vinnunar er að nú liggur fyrir staðlað úttektarkerfi og skýrar vinnureglur um bilun í ungskógi ásamt leiðarvísinum sjálfum þar sem upp eru sett ítarleg skýringadæmi um fellinguna sjálfa. 9. Nefndir skila áliti. Tillögur frá allsherjarnefnd – Ásvaldur Magnússon Tillaga 1 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að farið verði í verkefni með LbhÍ sem á að tryggja meiri uppskeru íslenskra. skóga. Verkefnið yrði unnið á nokkrum árum”. Greinargerð: Mikilvægt er að fjármagn sem er ætlað í nytjaskógrækt nýtist sem best. Til að tryggja að skógar framtíðarinnar uppskeri sem mest og tryggi þannig ásættanlega innkomu fyrir alla aðila. Þá er lagt til að farin verði svipuð leið og þekkist í nágrannalöndum okkar til að auka afkastagetu skóganna. Má í því sambandi nefna verkefnið í Svíþjóð ,,Kraftsamlig skog”. Samþykkt samhljóða Björn Bj. Jónsson steig í pontu og fór yfir hvað Kraftsamlig skog væri og væri að gera. Tillaga 2 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að hefja stórsókn í ræktun jólatrjáa. Gert yrði 12 ára ræktunarplan sem ,,hópverkefni” fyrir væntanlega jólatrjáabændur. Reynt verði að fá landshlutaverkefnin til að leggja fram fé til að styðja við þá samningsbundna skógarbændur sem hafa hug á að hefja ræktun jólatrjáa í þessu hópverkefni.” Greinargerð. Undanfarin ár hefur komið í ljós að íslenskir ræktunaraðilar eru ekki að framleiða það magn af jólatrjám sem þarf til að metta markaðinn. Mikilvægt er því að áhugasamir skógareigendur hefjist handa við akurræktun jólatrjáa undir handleiðslu færustu sérfræðinga á því sviði. LSE gegni forustuhlutverki í þessu átaksverkefni og leiði það sem hópverkefni áhugasamra skógarbænda. Kostnaður við að hefja jólatrjáaræktun og binda fé í henni þar til sala getur hafist, er meiri en svo að venjulegur skógarbóndi ráði við hann. En þar sem markaður ætti að vera tryggur svo lengi sem jólahald helst í því horfi sem nú er ætti að vera hagstætt að hlú að innlendri jólatrjárækt úr sjóði þjóðarinnar. Samþykkt samhljóða Tillaga 3 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að átak verði gert í þróun og markaðssetningu íslenskra viðarafurða”. Greinargerð: Nú þegar eru að falla til viðarnytjar úr íslenskum skógum. Mikilvægt er að LSE hafi forgöngu um markaðssetningu og úrvinnslu úr timbri. Afkoma skógareigenda á eftir að byggjast að verulegu leiti á hvernig til tekst að selja afurðir skóganna. Það er því mikilvægt að hafist verði handa með markvissa vinnu við afurðaþátt skógareigenda sem snýr að timbri. Samþykkt samhljóða Björn Bj. Jónsson sagðist vera búin að fara á fund iðnaðarráðuneytis vegna verkefnis um viðarnytjar og fengið jákvæð viðbrögð. Einnig segir Björn mikinn áhuga hjá skógarbændum og nú sé búið að ákveða að halda ráðstefnu í febrúar nk sem mun fjalla um úrvinnslu og markaðssetningu á timbri. Tillaga 4 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að stjórn LSE beiti sér fyrir því að á næstu vikum verði unnin stefnumörkun fyrir næstu fimm árin, árin 2011 til 2015. Þar verði um að ræða heildar stefnumörkun um ræktun nytjaskóga og úrvinnslugreinar, með það að markmiði að ná fram hagkvæmni í greininni og sem mestu verðmæti afurða skógarins. Einnig að sýnt verði fram á mikilvægi greinarinnar í atvinnuuppbyggingu landsmanna og nauðsyn þess að hún verði studd til stórra verka. Greinargerð: Áður hefur verið unnin 5 ára stefnumörkun í tvígang og nú er jafnvel enn meiri þörf en áður á að marka skýra stefnu hvert skal haldið og hvernig. Skógrækt er nú þegar og verður enn mikilvægari atvinnugrein, en hún hefur ekki verið tekin sem slík, hingað til. Það er til dæmis furðulegt, að skógarbændur eigi ekki sæti í öllum þeim nefndum og ráðum er fjalla um skógrækt og stefnumörkun um skóga og skógrækt. Það er verið að endurskoða verklagsreglur og skipulag landshlutaverkefna, með lítilli aðkomu skógarbænda. Opinberir aðila virðast lítið vita um félag skógareigenda, þegar leitað er eftir sjónarmiðum hagsmunasamtaka. Skógarbændur verða að taka höndum saman um að gera raunhæfar áætlanir um nýskógrækt og setja aukinn kraft í nýgróðursetningu. Það er auðvelt að færa rök fyrir margföldunaráhrifum þeirra fjármuna sem settir eru í þessa grein. Afurðir skógarins eru verðmæti sem nýta þarf sem best og því þarf að skoða, með hvaða hætti viðarframleiðendur verða best aðstoðaðir við að koma vöru sinni á markað, vinna nýjar vörur, markaðssetja þær og fá sem mest verðmæti fyrir þær. Ljóst er að ýmsar úrvinnslugreinar munu dafna og vaxa með aukinni nýtingu skógarafurða. Dregin til baka vegna keimlíkrar tillögu frá félagsmálanefnd. Tillaga 5 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að stofnuð verði nefnd á vegum LSE sem hefur það markmið í samvinnu við stjórnvöld og sveitarfélög að hefja endurskoðun á lögum og reglugerðum, sem lúta að búfjárhaldi, gæðastýringu í sauðfjárrækt, lausagöngu búfjár, fjallskilum og öðrum þeim lögum sem í dag leggja skyldur á herðar búfjárlausra landeigenda. Tilgangur þessarar endurskoðunar sé að tryggja rétt búfjárlausra landeigenda til að ráðstafa og nýta sitt land án skuldbindinga gagnvart búfjáreigendum meðal annars með því að lýsa yfir lausagöngubanni búfjár á eignarlöndum sínum þar sem þess er óskað. Nefndinni er ætlað að virkja löggjafarvaldið til að setja lög og reglur sem tryggja landeigendum og skógarbændum raunverulega og virka vernd gegn beitarágangi. Greinargerð Lagarammi í kringum sauðfjárbúskap og annað búfjárhald gerir búfjárlausum landeigendum mjög erfitt um vik að standa á rétti sínum til ráðstöfunar eigin lands og verndunar þess nema með miklum kostnaði við girðingar og smalamennsku. Búfjárlausum landeigendum fjölgar sífellt í sveitum landsins og skógrækt er orðin staðreynd á stórum svæðum ásamt því að vera vaxandi atvinnugrein. Því er nauðsynlegt að taka tillit til skógræktar í öllu lagaumhverfi sveita og landbúnaðar. Ásvaldur Magnússon bað um orðið og sagði að það þyrfti að fara afskaplega varlega í þá hluti sem tillaga 5 fjallar um. Miðað er við að rækta eigi skóg á 2% landsins og þá sé hagstæðara að girða skóginn af frekar en sauðfé. Einnig benti Ásvaldur á að í lögum verkefnanna stæði að þau ættu að efla byggð og það að banna lausagöngu búfjár gerði það ekki víðast hvar. Bað menn enn og aftur að fara varlega í þessum málum. Edda Kr. Björnsdóttir sagði þessi mál búin að vera í umræðunni mjög lengi, margt í tillögunni væri bæði satt og rétt. Sagðist vera manna fyrst til að taka undir það að skyldur á búfjárlausa landeigendur væru íþyngjandi. Misjafnt er eftir svæðum hvort hentar best að girða af búfé eða skóg. Edda leggur til að gæðastýringahlutinn í tillögunni verði tekinn út. Lúðvíg Lárusson sagðist vera ánægður með vinnu nefndarinnar á tillögunni sem hann lagði fram. Hann sagði nausynlegt að fara í þá vinnu að finna flöt á því að sauðfjárbændur og skógarbændur geti lifað í sátt og samlyndi. Vonast hann til þess að nú verði tekinn ,,sjens” og farið í þessa vinnu til að sjá hvað kæmi út úr henni. Lilja Magnúsdóttir sagði að það sem þessi tillaga fæli í sér væri að fá lagarammann skoðaðan því hann væri of óskýr og of gamall til að skógrækt passaði almennilega þar inn. Því þyrfti að fara í skoðun á þessari umgjörð. Lilja er alveg sammála Ásvaldi að fara varlega en vinnuna þyrfti samt að fara í því ramminn væri hreinlega ekki í takt við tímann. Tók hún sem dæmi að í Tálknafirði er ekkert sauðfé en þar fara samt fram fjallskil skv. lögum. Margrét Guðmundsdóttir vildi hnykkja á því taka ekkert undan eins og t.d. gæðastýringu í sauðfjárrækt eins og einhver nefndi, það þyrfti að fara yfir allan rammann. Sauðfjárbúskapur er atvinnugrein og Margrét heldur að hún sé eina atvinnugreinin sem leyfist að nýta eigur annarra án leyfis eða endurgjalds. Edda Kr. Björnsdóttir kom aftur í pontu vegna tillögu sinnar um að taka gæðastýringuna út úr tillögunni, sagðist greinilega hafa misskilið hvernig eftirliti með þessu væri háttað og drægi hér með sína breytingartillögu til baka. Ásvaldur Magnússon sagði að ef Edda drægi breytingartillöguna til baka þá flytti hann hana. Ræddi lúpínu og útbreiðslu hennar en það væri bara sauðkindin sem gæti hamlað útbreiðslu hennar. Þorsteinn Pétursson sagði að ef lagaramminn varðandi sauðfé yrði notaður varðandi lúpínur þá yrði það þannig að ef lúpína af nærliggjandi jörð færði sig inn á land skógareiganda bæri honum að skila köfnunarefninu sem lúpínan batt í hans landi til landeigandans þar sem lúpínan óx upphaflega. Þorsteinn sagði sauðfjárbúskap eins og hann er stundaður núna hnignunarbúskap. Vill láta girða sauðféð af og græða landið upp í staðinn. Sagðist hafa orðið fyrir því að nágranni hans hafi gefið hans land upp sem beitarland í gæðastýringu í sauðfjárrækt. Rakti þrautargöngu sína við að fá því hnekkt. Jóhann B. Arngrímsson sagði að ef sauðkindin væri ekki til væri fólk ekki í skógrækt núna því landið hefði verið skógi vaxið. Sagði það ætti að fara mjög varlega í því að egna sauðfjárbændur upp á móti skógræktarbændum. Jóhann G. Jóhannsson er sammála síðasta ræðumanni um að það ætti að fara mjög varlega í þessa tillögu. Leggur til að tillögunni sé vísað til stjórnar LSE til skoðunar. Lilja Magnúsdóttir sagði að það væri ekki bara í röðum skógarbænda sem þessi mál væru rædd, starfshópur frá Búnaðarþingi væri líka að skoða þennan lagaramma því hann þætti götóttur. Fundarstjóri bar upp tillögu Jóhanns um að tillögunni yrði vísað til stjórnar til skoðunar. Samþykkt að vísa tillögu til stjórnar með 37 atkvæðum gegn 19 Tillaga 6 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, skorar á sveitarstjórn Dalabyggðar að endurskoða afstöðu sína til lausagöngubanns búfjár innan svæðis Landgræðslufélags Skógarstrandar. Jafnframt skora Landsamtökin á Dalabyggð að vinna með Landgræðslufélagi Skógarstrandar að gerð deiliskipulags á svæðinu um landgræðslu og skógrækt. Greinargerð. Með ákvörðun sinni dags. 24.08.10 er sveitarstjórn Dalabyggðar að leggja miklar fjárhagslegar byrðar á meðlimi Landgræðslufélagsins, sem með þessari ákvörðun eiga ekki möguleika á styrk frá Vegagerðinni skv. Vegalögum. Sveitarstjórnin hefur ekki gefið neinar skýringar á ákvörðun sinni né rökstutt hana á nokkurn hátt. Er hér um verulegt hagsmunamál fyrir Landgræðslufélagið og framgang skógræktar innan svæðis Vesturlandskóga að ræða. Óskiljanlegt er að sveitarstjórnin vilji ekki styðja við slík verkefni né að bjóða samvinnu um deiliskipulag á svæðinu þar sem víða sé stefnt að skógrækt í Aðalskipulagi Dalabyggðar 2004-2016. Samþykkt samhljóða Lúðvíg Lárusson.vildi fylgja þessari tillögu eftir þar sem hún væri í beinu framhaldi af tillögunni sem var vísað frá. Bændur á Skógarströnd standa í stappi við sveitarstjórn sem vill alls ekki banna lausagöngu búfjár þó þarna sé nánast samfelld skógarækt. Sagði frávísunartillöguna gott dæmi um það hvernig þessi mál væru aftur og aftur kæfð í fæðingu. Brýndi fundinn til að samþykkja þessa tillögu svo skógarbændur fái að stunda sína starfsemi í friði. Guðmundur Wiium sagði einsýnt að hafna þessari tillögu fyrst búið væri að afgreiða þessi mál þannig að réttur sauðfjárbænda nái fram yfir rétt allra annarra með samþykki frávísunartillögunnar áðan. Tillaga 7 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, gerir að tillögu sinni að skógarbændur sitji fyrir vinnu við grisjun og aðra umhirðu eigin skóga, kjósi þeir svo .” Greinargerð: Nú færist í aukana að bjóða út grisjun (bilun) á bændaskógum. Gætt hefur nokkurrar óánægju meðal skógarbænda með reglur sem farið er eftir. Telja ýmsir að við útboðin sé gengið á sinn rétt til vinnu við eigin skógrækt. Til að sem flestir geti verið ánægðir með sinn hlut er vænlegt að setjast að samningaborði og ná sáttum um þetta mál. Samþykkt samhljóða Tillaga 8 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að skora á sjávarútvegs- og landbúnaðarráðherra að gæta þess við skipan í stjórnir fyrir landshlutaverkefnin verði hagsmunir skógarbænda á hverju starfsvæði landshlutaverkefnanna hafðir að leiðarljósi.” Samþykkt samhljóða Tillögur frá félagsmálanefnd – Hörður Harðarson Tillaga 1 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að haldin verði ráðstefna í tengslum við aðalfund LSE”. Greinargerð: Undanfarin ár hefur verið haldin metnaðarfull ráðstefna í skógrækt hér á landi. Ráðstefnan hefur að miklu leiti verið stíluð inn á svið fagfólks. Skógareigendur telja því tímabært að haldin verði ráðstefna þar sem einvörðungu verði höfðað til fagsviðs skógareigenda. Ráðstefnan yrði haldin á sama stað og aðalfundur LSE er haldinn og er ætlaður tími frá 10:00 til 16:00 fyrri dag aðalfundarins. Samþykkt samhljóða Tillaga 2 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 fagnar verkefninu “Skógargull” sem LSE hefur haft forgöngu um. Jafnfram hvetur fundurinn til að hraðað verði vinnu við lokafrágang og útgáfu verkefnisins, en um leið að unnið verði að framkvæmd einstakra þátta þess”. Samþykkt samhljóða Tillaga 3 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 leggur til við stjórn LSE að hún hafi forgöngu um nánari útfærslu og ítarlegri skilgreiningar á SKÓGRÆKT - Í SÁTT VIÐ UMHVERFIÐ, LEIÐBEININGAR UM NÝRÆKTUN SKÓGA.” Greinargerð: Árið 2005 voru mótaðar leiðbeiningarreglur í samvinnu skógargeirans (LSE, LHV, Sr, SÍ) við ýmsar stofnanir og félagasamtök (NÍ, UST, Fuglavernd, Fornleifastofnun o.fl.). Á undanförnum árum hafa komið fram ýmis vafamál og ágreiningur um túlkun ákvæða um framkvæmd leiðbeiningareglnanna. Hér er hvatt til þess að skógargeirinn, með forgöngu LSE, skilgreini betur og útfæri nánar leiðbeiningareglurnar þannig að þær falli betur að hagsmunum nytjaskógræktar og skógareigenda. Samþykkt samhljóða Tillaga 4 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að unnið verði að stefnumörkun LSE fyrir árin 2011 til 2015. Stefnumörkunin verði lögð fyrir aðalfund LSE 2011”. Greinargerð: Þar verði um að ræða heildarstefnumörkun um ræktun nytjaskóga og úrvinnslugreinar, með það að markmiði að ná fram hagkvæmni í greininni og sem mestu verðmæti afurða skógarins. Einnig að sýnt verði fram á mikilvægi greinarinnar í atvinnuuppbyggingu landsmanna og nauðsyn þess að hún verði studd til stórra verka. Samþykkt samhljóða Tillaga 5 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, skorar á sjávarútvegs- og landbúnaðarráðherra og umhverfisráðherra að fullt tillit verði tekið til ábendinga og breytingatillagna í umsögn skógareigenda um drög að stefnu Íslands um skóga og skógrækt. Samþykkt samhljóða Björn Bj. Jónsson steig í pontu og vildi halda því til haga að ekki var tilnefnt í nefnd þessa á vegum ráðuneytisins að öðru leyti en því að Jón Loftsson var skipaður og valdi síðan meðnefndarfólk. Tillögur frá laganefnd – María E. Ingvadóttir Tillaga 1 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010 samþykkir að skora á umhverfisráðherra að láta fara fram endurskoðun á lögum um Viðlagatryggingu Íslands þar sem gert yrði ráð fyrir að vátryggingu á skógum fylgi vátryggingarvernd af völdum tjónsatburða, sem Viðlagatrygging Íslands hefur með að gera”. Greinargerð: Undanfarin ár hefur LSE unnið að brunavörnum og brunatryggingu á skógum. Þeirri vinnu er að mestu lokið en ekki er hægt að ljúka þeirri vinnu að fullu fyrr en viðurkenning fæst fyrir að brunatrygging skóga gildi um leið sem vátryggingarvernd annarra tjóna en skógarelda. Samþykkt samhljóða Tillaga 2 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að sett verði á fót laganefnd er endurskoði lög félagsins og skili af sér ekki seinna en tveimur mánuðum fyrir næsta aðalfund. Lagt er til að sérstaklega verði 5. greinin skoðuð, en hún fjallar um stjórn og stjórnarkjör. Greinargerð: Það sem býr að baki þessari tillögu er að gera stjórnun félagsins enn skilvirkari. Skoða mætti þá hugmynd að formaður væri kosinn sérstaklega, meðstjórnendur væru 4, þar af mundu tveir skipa framkvæmdastjórn, ásamt formanni. Einnig að hver stjórnarmaður sitji aldrei samfellt lengur en tvo kjörtímabil í stjórn félagsins. Framkvæmdastjórn mundi funda reglulega, en öll stjórnin eins oft og þörf væri á, en þó minnst, til dæmis tvisvar á ári. Reynslan sýnir að fámenn framkvæmdastjórn er gjarnan virkari og skjótari til ákvarðana, en stærri stjórn. Samþykkt samhljóða Tillögur frá taxtanefnd – Sigurður Jónsson Tillaga 1 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að skipaðir verði vinnuhópar í samvinnu við landshlutaverkefnin og skógarbændafélögin, sem falið verði að gera tímamælingar á öllum verkþáttum í skógrækt. Taxtanefndin eigi fulltrúa við tímamælingarnar og sjái um að framfylgja þeim með verkefnastjórum í hverjum landshluta.” Greinargerð: Verkefni taxtanefndar að loknum mælingum verður að skilgreina hvað telst eðlilegur kostnaður við skógrækt, sem þá teljast til greiðslna fyrir t.d.: gróðursetningu, girðingar, áburðargjöf, grisjun, tvítoppaklippingu, uppkvistun, slóðagerð, brunavarnir og önnur verk sem nauðsynleg eru í skógrækt. Tímamælingar verði framkvæmdar í öllum landshlutum. Markmið vinnuhópsins er að öll verkefnin verði unnin á sömu töxtum. Þar sem ekki er unnt að koma við tímamælingum verði fundið sanngjarnt tímakaup. Samþykkt samhljóða Tillögur frá fjárhagsnefnd – Jóhann Gísli Jóhannsson Tillaga 1 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir eftirfarandi fjárhagsáætlun fyrir starfsárið 2011: Rekstrartekjur 2011 2009 Félagsgjöld 900.000 608.000 Ýmis framlög 300.000 337.416 Vaxtatekjur 300.000 240.163 Ríkisframlag 7.000.000 7.000.000 Tekjur alls 8.500.000 8.435.579 Rekstrargjöld Kostnaður vegna aðalfunda 800.000 888.000 Stjórnar- og fundakostnaður 1.000.000 1.408.821 Ráðstefnur og námskeið 100.000 13.800 Þróunarvinna 2.000.000 585.314 Rekstur skrifstofu 4.000.000 3.182.571 Blaðaútgáfa 250.000 665.460 Annað 320.000 263.686 Vaxta- og bankakostnaður 30.000 20.318 Gjöld alls 8.500.000 7.028.050 Rekstrarhagnaður (tap) 0.- 1.407.529 Samþykkt samhljóða Nokkrar fyrirspurnir og athugasemdir voru gerðar um fjárhagsáætlunina Björn Bj. Jónsson fór yfir tölur og svaraði spurningum. Björn Ármann Ólafsson benti á að fjárhagsáætlun væri áætlun varðandi blaðaútgáfuna og Edda Kr. Björnsdóttir dró sína tillögu til baka varðandi hækkun á þeim lið. Tillaga 2 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að stjórn LSE fái þóknun fyrir árið 2011 sem hér segir: Formaður 120.000 120.000 Gjaldkeri 90.000 90.000 Aðrir stjórnarmenn 80.000 240.000 --------------------------------------------------------------------------- Stjórnarlaun samtals 450.000 Samþykkt samhljóða Tillaga 3 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að félagsgjöld verði 1.500.-” Samþykkt samhljóða Tillaga 4 ,,Aðalfundur Landssamtaka skógareigenda (LSE), haldinn í Reykholti Borgarfirði , 8. og 9. október 2010, samþykkir að beina því til stjórnar LSE að leitað verði allra leiða til að útvega fjármagn til að hægt sé að ráða framkvæmdastjóra í fullt starf til samtakanna.” Greinargerð: Ljóst er að framundan eru stór og mikilvæg verkefni. Hagsmunir skógarbænda og skógrækt á Íslandi standa á tímamótum og vinna þarf skógræktinni þann sess í atvinnulífi landsmanna sem henni ber. Í stað varnaraðgerða þarf að snúa til sóknar. Varla er hægt að gera ráð fyrir að framkvæmdastjóri í hálfu starfi anni þeim verkefnum sem ráðast þarf í á næstu misserum hjá Landssamtökum skógareigenda. Samþykkt samhljóða 10. Kosningar. Kosning tveggja stjórnarmanna. Úr aðalstjórn eiga að ganga Edda Kr. Björnsdóttir fulltrúi Austurlands og Þórarinn Svavarsson fulltrúi Suðurlands. Edda Kr. Björnsdóttir gefur kost á sér áfram en ekki Þórarinn Svavarsson. Tillaga uppstillingarnefndar er því að í aðalstjórn LSE verði kjörin: Edda Kr. Björnsdóttir frá Austurlandi María E. Ingvadóttir frá Suðurlandi Tillagan var samþykkt með lófataki. Kosning þriggja varamanna í stjórn. Varamenn voru Sigrún Grímsdóttir, María E. Ingvadóttir og Þorsteinn Pétursson. Tillaga uppstillinganefndar er að í varastjórn verði kjörnir: Jóhann Gísli Jóhannsson Þórarinn Svavarsson Sigrún Grímsdóttir Tillaga uppstillingarnefndar samþykkt með lófataki. Kosning tveggja skoðunarmanna reikninga. Skoðunarmenn voru; Ásmundur Guðmundsson og Jóhanna H. Sigurðardóttir og uppstillingarnefnd leggur til að þau verði áfram. Samþykkt. Kosning tveggja varaskoðunarmanna reikninga. Varaskoðunarmenn voru; Haraldur Magnússon og Hraundís Guðmundsdóttir og uppstillingarnefnd leggur til að þau verði áfram. Samþykkt. 11. Önnur mál. María E. Ingvadóttir þakkaði traustið að vera kosin í stjórn LSE, sagðist hlakka til að vinna með því ágæta fólki sem fyrir væri í stjórn. Guðna Guðmundssyni á Þverlæk fannst vanta vísu á fundinn og kom hann með hugleiðingar í bundnu máli útfrá erindi Björns Bj. Jónssonar um aðrar skógarnytjar: Við iðngreinar leynist andans angi eflir það vorn trúarstyrk? Ef Guð finnst ekki á víða-vangi verður trúin í rjóðri virk? Edda Kr. Björnsdóttir þakkaði fyrir traustið og kosninguna í stjórn. Vegna mikilla umræðna um sauðfé, skógrækt og réttarstöðu landeigenda sagði Edda að stjórnin myndi fara í þessi mál og finna þeim réttan farveg. Sagði hún að það að aðrir megi nota annarra manna land til eigin atvinnurekstrar sé ekkert einskorðað við sauðfjárbændur og benti á aðila eins og Vegagerðina, Símann og RARIK sem valta yfir landeigendur. Lúðvíg Lárusson sagðist vera vongóður eftir orð formannsins, Eddu, um að stjórnin tæki sauðfjármálið upp á sína arma og ynni því farveg. Björn Bj. Jónsson þakkaði Vestlendingum fyrir undirbúning og umgjörð fundarins. Jóhann Gísli Jóhannsson taldi sig muna rétt að næsta aðalfund ætti að halda á Austurlandi og bauð fólk hjartanlega velkomið á næsta ári. Þakkaði Vestlendingum fyrir móttökurnar. 12. Fundarlok. Fundarstjóri þakkaði góðan fund og gaf formanni orðið kl. 11:35. Edda dásamaði staðinn og viðurgjörning allan, gott skipulag, þakkaði starfsmönnum fundarins, vonaði að það yrði ekki of ,,langt” austur á næsta ári. Sagði aðalfundi 2010 slitið.

PDF Aðalfundur Landssamtaka skógareigenda 2008 Fundargerð Haldinn að Hvoli á Hvolsvelli 4. og 5. apríl 2008 Stjórn LSE 2007/2008 Edda Kristín Björnsdóttir – Formaður Ásvaldur Magnússon – varaformaður Þórarinn Svavarsson – Gjaldkeri Reynir Ásgeirsson- Ritari Stefán Jónsson –Meðstjórnandi Þorsteinn Pétursson –Varamaður Rafn F.Johnson – Varamaður Álfhildur Ólafsóttir –Varamaður Skoðunarmenn reikninga eru; Ásmundur Guðmundsson Jóhanna H. Sigurðardóttir Fulltrúi á Búnaðarþingi er Edda Kr. Björnsdóttir Fulltrúi LSE í nefnd um landsáætlun í skógrækt 2009 –2020 Álfhildur Ólafsdóttir/ við tók Karólína Hulda Guðmundsdóttir Fulltrúi LSE í um Grænni skóga er Þórarinn Svavarsson Aðalfundir LSE. Fundarstaðir, dagsetning og ár. 1997 28. júní Stofnfundur, Hallormsstaður. 1998 25. - 27. september Haukadalur, Árnessýslu. 1999 27. - 28. ágúst Hrafnagil, Eyjafirði. 2000 11. - 12. ágúst Hvanneyri, Borgarfirði. 2001 10. - 11. ágúst Hallormsstaður, Fljótsdalshéraði. 2002 09. - 10. ágúst Núpur, Dýrafirði. 2003 05. - 06. september Goðaland, Fljótshlíð. 2004 13. - 15. ágúst Húnavellir, A-Hún. 2005 19. - 20. ágúst Laugar Sælingsdal. 2006 23. - 24. júní Hallormsstaður, Fljótsdalshéraði. 2007 24. - 26. ágúst Reykhólar, Barðaströnd. 2008 04.- 05. apríl Hvolsvöllur, Rangárþingi Dagskrá aðalfundar Landssamtaka skógareigenda að Hvoli á Hvolsvelli 4. og 5. apríl 2008. Dagskrá : Föstudagur 4. apríl 16:00 Fundur settur í Hvolnum Hvolsvelli. 16:15 Kosnir starfsmenn fundarins. 16:15 Mál lögð fyrir fundinn. 17:00 Nýjar áherslur í skógrækt – brunavarnir í skógi/erindi og umræður. 18:00 Skipað í nefndir fundarins og málum vísað til nefnda. 18:15 Fundi frestað. Nefndir hefja störf. 19:30 Kvöldmatur. 20:30 Framhald nefndarstarfa. 20:30 Hvolsvöllur - Menning og saga. Ætlað mökum fundarmanna og öðrum fundargestum sem hafa lokið nefndarstörfum. Laugardagur 5. apríl 08:00 Morgunverður. 09:00 Framhald aðalfundar. Skýrsla stjórnar. 09:45 Ávörp gesta. Kaffi. 10:30 Nefndir skila álitum. 11:15 Kosningar: Ein aðalmaður í stjórn, þrír menn í varastjórn, tveir endurskoðendur. 11:30 Önnur mál. 12:00 Fundarlok. 12:15 Hádegismatur. 13:00 Ferð í Haukadal - skógarskoðun. 20:15 Árshátíð skógarbænda. Fundur var settur 4. apríl, kl. 16.00. Fundarstjóri var kosinn Drífa Hjartardóttir, fundarritarar Margrét Þórðardóttir og María E. Ingvadóttir. Edda Kristín Björnsdóttir, formaður samtakanna flutti skýrslu stjórnar. ( fskj.1) Nefndi hún breyttan fundartíma, en fundur snemma vors hentar flestum vel, þ.e., áður en vorannir byrja í skógum landsins. Einnig sagði hún frá fundi stjórnar um kolefnismál, með fulltrúum Skógræktar ríkisins og Bændasamtakanna. Í framhaldi þess fundar var umhverfisráðherra, Þórunni Sveinbjarnardóttur og landbúnaðarráðherra, Einar Guðfinnssyni, send yfirlýsing, (fskj.2), þar sem mótmælt var úthlutun losunarheimilda gróðurhúsalofttegunda af hálfu stjórnvalda þann 28. september 2007. Það svar fékkst, að engum losunarheimildum, sem orðið hafi til með skógrækt, hafi verið úthlutað. Fundað var með landshlutaverkefnum í skógrækt og fjallað um flutning Skógræktar ríkisins yfir til umhverfisráðuneytis. Heimasíða samtakanna er orðin að veruleika og starfshópur um verðmat á skógum, sem Björn B. Jónsson leiðir, hefur tekið til starfa. Björn B. Jónsson situr einnig í nefnd sem vinnur að undirbúningi trygginga á skógum og brunavörnum í skóglendi. Eftir fund með landbúnaðarráðherra og beiðni til fjárlaganefndar, fskj.5, um fjármagn, vegna ráðningar starfsmanns til samtakanna, fékkst jákvætt svar, þannig að hægt var að ráða í hálfa stöðu þetta árið. Þetta er stórt skref, þótt hálfur sigur sé og var Björn B. Jónsson ráðinn í hálfa stöðu framkvæmdastjóra LSE út þetta árið. Landbúnaðar- og sjávarútvegsráðherra, Einar Guðfinnsson var gestur fundarins. Nefndi hann að staða skógræktar í sögu landsins hefði verið mörkuð á sínum tíma með stofnun Skógræktar ríkisins. Mikill metnaður hafi fylgt stofnun landshlutaverkefnanna í skógrækt og nefna má 17 ára gömul lög um Héraðsskóga. Aðrar áherslur eru í skógrækt í dag en áður, þar sem hugað er að annarri nýtingu og er ábyrgð skógarbænda mikil, til að vel takist. Fyrir utan nytjaskóg, er lögð áhersla á skjólskóga og svæði til útivistar, einnig horft til kolefnisbindingar og allar leiða þessar breyttu áherslur til meiri fjölbreytni í landbúnaði. Miklu fjármagni er veitt til skógræktar, enda um að ræða fjárfestingu til framtíðar. Verðmat á landi hefur hækkað og í framhaldi af því verður til ný sýn á verðmæti lands og skógrækt, kolefnisbindingu og eignarétt. Réttur skógareigenda verður virtur í þeirri umræðu, enda er staða skógræktar í dag til orðin vegna atorku skógareigenda og skógrækt orðin atvinnugrein sem skiptir máli. Mál lögð fyrir fundinn: Edda, formaður samtakanna, kynnti áskorun, fskj.3, til umhverfisráðherra um að LSE ætti fulltrúa í fagráði í skógrækt og landgræðslu og brýna nauðsyn á því. Kynnti hún tillögu um lagabreytingu, fskj.5, þar sem lagt er til að setning í 4. grein laga LSE falli niður. Einnig voru bornar upp og samþykktar tillögur, fskj.5 um að plöntuframleiðendur noti aðeins viðurkennd fræ til framleiðslu sinnar og að þeir uppruna merki plöntur sínar, fskj.9. Einnig var samþykkt áskorun fskj.5, til landbúnaðar- og sjávarútvegsráðherra um að stórauka framlög til landshlutaverkefna. Einnig fagnar LSE þeim áfanga að hafa fengið fjárráð til ráðningar starfsmanns í hálft starf. Stjórn LSE var falið að tilkynna Viðlagatryggingu Íslands, að vel komi til greina að brunatryggja nytjaskóga hér á landi. 2. Björn B. Jónsson kynnti kynningarefni Suðurlandsskóga og kortlagningu þess. Kynnti starf sitt, en hann hefur unnið að undirbúningi á tryggingum skóga og verðmati á þeim. Hann sagði frá heimsóknum sínum til allra landshlutaskógarfélaga, nema Vestfirðinga. Hann vinnur að því að fá styrki frá EB vegna skoðunar- og fræðsluferða skógarbænda til nágrannalanda. Nefndi að ef skógarbændur sæktu námskeiðið Grænni skógar, gætu þeir talist sérfræðingar og þar með yrði auðveldara að fá styrki fyrir þá. Úrvinnsla er það sem vekur mesta athygli um þessar mundir þar sem verð á timbri fer hækkandi. Skjólbelti þarf að klippa niður og blanda öðrum tegundum innan um og spurning hvernig hægt er að nýta það sem til fellur. 3. Guðmundur Magnússon kynnti nýja möguleika á nýtingu smáviðar, hvernig nýta má litla búta til að framleiða flögur til klæðingar á veggi. Guðmundur hefur kynnt sér þetta í Kanada og taldi mögulegt að nýta lerkið okkar á þennan hátt. 4. Björn B. Jónsson og Júlía Arulcheyan Björnsson kynntu brunavarnir í skógum, hvað gera má með einföldum hætti til varnar þessum vágesti. Mikilvægt er að flokka skógarsvæði niður eftir eiginleikum og hættustigi, kortleggja vegi og slóða og hvar er fært fyrir stærri tæki, gera áætlun um aðkomu, verkaskiptingu, eftirlit og aðgerðir, einnig hvar verkfæri og áhöld eru geymd og hvaðan aðgerðum yrði stjórnað. 5. Edda kynnti formenn málefnanefnda. Sigurður Jónsson stýrir fjármálanefnd, laga- og allsherjarnefnd er stýrt af Agnesi Geirdal, nefnd um brunavarnir í höndum K. Huldu Guðmundsdóttur og úrvinnslunefnd mun Björn Ármann Ólafsson leiða. Fundi frestað og boðið til kvöldverðar. Laugardagur 5. apríl, fundi framhaldið. Þórarinn Svavarsson, gjaldkeri samtakanna gerði grein fyrir reikningum og áætlun ársins 2008, fskj.4. Eftir umræður, var skýrsla formanns og reikningar félagsins bornir upp og samþykktir. Umræður: Drífa Hjartardóttir benti á mögulega styrki sem hægt væri að sækja um. Björn ræddi um kolefnisjöfnunarmálið og að ætlunin hefði verið að vinna að þeim málum með vottunarstofu, en það hefði breyst og nú væri unnið með Landsbankanum að því að finna annan vinnufarveg. Kannski mætti hugsa sér kolefnisjöfnunarfélög álíka og veiðifélög og að eignaréttur bænda sé viðurkenndur. Vífill Búason ræddi um fundartímann og hvatti til betri fundarsóknar næst. Sigurður Jónsson sagði frá blaðaútgáfunni og Helga Dóra ræddi um mætinguna. Sigurbjörg benti á mikilvægi upplýsinga frá fagmönnum og Björn Jónsson bað fólk að leggja við hlustir hvað Jón Loftsson hefði um það að segja. Lilja Magnúsdóttir, Tálknafirði, taldi að ef rannsóknir ættu að gefa trúverðugar niðurstöður, þá tækju þær sinn tíma. Hún hvatti skógarbændur til að reka á eftir vísindalegum niðurstöðum fræðimanna. Ásvaldur Magnússon þakkaði góða fagráðstefnu og Sæmundur hvað það undarlegt ef vísindamenn treystu sér ekki til að votta skóginn. Fræðimenn mættu hlusta betur á skógareigendur og mikið af gagnlegum upplýsingum hefðu aldrei birst og þyrfti að ráða bót á því, t.d. varðandi Evrópulerkið. Gestir fundarins: Jón Loftsson ræddi um breytta vistun málefna skógræktar og taldi að betra hefði verið að málaflokkurinn væri á einum stað. Spurning hversu miklu Mógilsá gæti áorkað með sína 14 starfsmenn, en áður hefðu skógræktarfélögin verið aðal samstarfsaðilar en nú væru það landshlutasamtökin. Betra líf, er samtök verkefna og sérfræðinga og er meiningin að miðla út upplýsingum. Mógilsá mun leggja 5 milljónir í þetta verkefni og koma því í gang. Farið verður um landið og fundað með fulltrúum verkefnanna og sérfræðingar hitta skógarbændur, sjá hvar skóinn kreppir að. Skógrækt verður mikilvæg atvinnugrein á Íslandi. Mikilvægt er að halda áfram umræðu um kolefnisbindingu, en meta má skóg um leið og séð verður að vel hafi tekist til með gróðursetningu. Ólöf Sigurbjörnsdóttir, framkvæmdastjóri Héraðs- og Austurlandsskóga þakkaði fyrir góðan fund. Nefndir skila af sér: Fjármálanefnd: Sigurður Jónsson ræddi fjárhagsstöðu samtakanna fskj. 4. og fjárhagsáætlun. Kynnti hann tillögur um laun stjórnar og fjárhagsáætlun. Tillaga 1. Aðalfundur LSE haldinn á Hvolsvelli dagana 4. og 5. apríl 2008 samþykkir að stjórn LSE fái laun fyrir árið 2008 sem hér segir: Formaður 100.000.- 100.000.- Gjaldkeri 75.000.- 75.000.- Aðrir stjórnarmenn 60.000.- 180.000.- 355.000.- Samþykkt. Tillaga 2. Aðalfundur LSE haldinn á Hvolsvelli dagana 4. og 5. apríl 2008 samþykkir eftirfarandi fjárhagsáætlun LSE fyrir starfsárið 2008: Rekstrartekjur 2008 2007 Félagsgjöld 500.000 473.000 Ýmis framlög 1.000.000 939.024 Vaxtatekjur 300.000 118.358 Ríkisframlag 6.000.000 Samtals 7.800.000 1.530.382 Rekstrargjöld Kostnaður vegna aðalfunda 600.000 582.728 Stjórnar- og fulltrúaráðsfundir 535.000 392.637 Ráðstefnur og námskeið 200.000 174.360 Aðkeypt sérfræðivinna 50.000 40.743 Rekstur skrifstofu 6.000.000 0 Annað 250.000 369.297 7.635.000 1.574.829 Rekstrarhagnaður (tap) 165.000 (44.447) Samþykkt. Allsherjar- og laganefnd. Agnes Geirdal kynnti tillögur nefndarinnar. Tillaga 3. Aðalfundur LSE haldinn á Hvolsvelli dagana 4. til 5. apríl 2008 samþykkir að setning í 4. greinar laga LSE „Kosningar skulu vera skriflegar” falli niður. Samþykkt. Tillaga 4. Aðalfundur LSE haldinn á Hvolsvelli dagana 4. til 5. apríl 2008 beinir þeim tilmælum til landshlutaverkefnanna og annarra sem ráða vali á fræi til ræktunar birkis og reyniviðar að framvegis verði eingöngu notað fræ af viðurkenndum stofnum þessara tegunda og að plöntuframleiðendur upprunamerki alla framleiðslu sína. Samþykkt með áornum breytingum. Tillaga 5. Aðalfundur LSE haldinn á Hvolsvelli dagana 4. til 5. apríl 2008 beinir þeim tilmælum til stjórnvalda og Orkuráðs, að gera nauðsynlegar lagabreytingar til að nýta megi niðurgreiðslur á rafhitun til greiðslu á stofnkostnaði við viðarkyndingu svipað og heimilt er með hitaveitu, enda er um vistvæna orku að ræða. Samþykkt með áornum breytingum. Tillaga 6. Aðalfundur LSE haldinn á Hvolsvelli dagana 4. til 5. apríl 2008 felur stjórn LSE að tilkynna Viðlagatryggingu Íslands að vel geti komið til greina að brunatryggja nytjaskóga hér á landi og með því sé litið svo á, að vátryggingunni fylgi vátryggingarvernd af völdum tjónsatburða, sem Viðlagatrygging Íslands hefur með að gera, enda hafi vátryggingarfélagið innheimt iðgjöld til Viðlagatryggingar Íslands vegna þessara áhætta. Samþykkt Tillaga 7. Aðalfundur LSE haldinn á Hvolsvelli dagana 4. til 5. apríl 2008 skorar á sjávarútvegs- og landbúnaðarráðherra að beita sér fyrir því, að fjárveitingar til landshlutabundnu skógræktarverkefnanna verði stórauknar. Greinargerð: Undanfarin ár hafa fjárveitingar til skógræktarverkefnanna verið skertar og ekki verið í neinu samræmi við þá þingsályktunartillögu, sem samþykkt var af alþingi árið 2003, og gerði ráð fyrir árlegri aukningu fjármagns og mikilli uppbyggingu verkefnanna. Þetta hefur komið sér afar illa fyrir þá fjölmörgu skógarbændur, sem taka þátt í verkefnunum um land allt og hafa treyst á, að stjórnvöld stæðu við þær áætlanir sem samþykktar voru. Þessi niðurskurður hefur rýrt tekjur skógarbænda og fækkað störfum á landsbyggðinni. Það er ljóst, að með aukinni skógrækt hafa íslensk stjórnvöld einstakt tækifæri til að auka bindingu gróðurhúsalofttegunda og skapa um leið nýja auðlind, sem getur borið lífvænlegan úrvinnsluiðnað í framtíðinni. Áhugi bænda á skógrækt er mikill og árangur af skógræktarstarfi þeirra er nú þegar orðinn sýnilegur. Fundurinn áfellist stjórnvöld fyrir að standa ekki við gefin loforð og hvetur eindregið til að nýta þann áhuga og þekkingu, sem skapast hefur hjá hundruðum skógarbænda undanfarin ár,- standa nú við stóru orðin og sýna í verki þann vilja sem birst hefur í áætlunum um aukna skógrækt á undanförnum árum. Samþykkt. Tillaga 8. Aðalfundur LSE haldinn á Hvolsvelli dagana 4. til 5. apríl 2008 fagnar þeim áfanga sem náðst hefur með því, að fá fjármagn til að ráða starfsmann fyrir landssamtökin. Fundurinn hvetur LSE til að leggja áherslu á aukið félagsstarf skógarbænda og beita sér fyrir aukinni samvinnu og samstarfi félaganna. Ennfremur að hafa forgöngu um skipulagningu fræðandi og skemmtilegra viðburða, er tengjast skógræktarstarfinu. Jafnframt að hvetja aðildarfélögin að vera dugleg að nýta sér heimasíðu LSE til að koma upplýsingum af atburðum sem eru framundan hjá hverju félagi. Samþykkt Tillaga 9. Aðalfundur LSE haldinn á Hvolsvelli dagana 4. til 5. apríl 2008 beinir því til Landbúnaðarháskóla Íslands og Mógilsár að vinna að skilgreiningu á góðu ræktunarlandi” og “skógræktarlandi” og hvort um raunverulega hagsmunaárekstra sé að ræða. Samþykkt. Tillaga 10. Aðalfundur LSE haldinn á Hvolsvelli dagana 4. til 5. apríl 2008 fagnar því, að Landssamtök skógareigenda fengu fjármagn á fjárlögum síðasta árs, til að ráða starfsmann fyrir samtökin. Fundurinn skorar á sjávarútvegs- og landbúnaðarráðherra að beita sér fyrir því, að samtökin fái í framtíðinni tryggt fjármagn til að standa straum af starfsmanni í fullu starfi. Greinargerð: Það er ungri búgrein, eins og skógrækt, afar mikilvægt að eiga sér hagsmunasamtök, sem gæta réttar þeirra og stuðla að uppbyggingu greinarinnar. Landssamtök skógareigenda hafa frá upphafi verið rekin af áhugafólki um skógrækt, sem lagt hefur mikið á sig til þess að efla og styrkja skógræktarstarf skógarbænda um land allt. Nú eru yfir 1000 félagsmenn í skógarbændafélögum um land allt og augljóst, að starfi Landssamtakanna verður ekki lengur sinnt í áhugamennsku. Það er framtíð skógræktar afar mikilvægt, að tryggt verði að Landssamtök skógareigenda verði traust og öflug samtök, líkt og önnur búgreinafélög í landbúnaði. Samþykkt með áornum breytingum. Tillaga 11. Aðalfundur LSE haldinn á Hvolsvelli dagana 4. til 5. apríl 2008 samþykkir svo hljóðandi ályktun : Aðalfundur Félags skógarbænda á Suðurlandi haldin á Þingborg 6. mars 2008 beinir því til aðalfundar Landsamtaka skógareiganda að draga til baka hækkun félagsgjalda sem samþykkt voru á aðalfundi LSE 2007. Þar sem fjármagn fyrir framkvæmdastjóra LSE hefur fengist með öðrum hætti telur aðalfundur FsS að forsendur fyrir hækkun félagsgjalda séu fallnar. Edda, formaður samtakanna lagði til að samþykkt yrði tillaga frá síðasta aðalfundi um hækkun félagsgjalda yrði dregin til baka og var það samþykkt. Nefnd um úrvinnslu skógarafurða leggur fram eftirfarandi tillögu: Björn Ármann Ólafsson lagði fram tillöguna. Tillaga 12. Aðalfundur LSE haldinn á Hvolsvelli dagana 4. til 5. apríl 2008 hvetur stjórn LSE til að fylgja eftir að lögð verði áhersla á að hrinda í framkvæmd úrvinnslu afurða úr grisjunarvið sem þegar fellur til við skógrækt í landinu. Þegar er hafin vinnsla við grisjun sem byggir á að láta viðinn grotna í skóginum. Mikil verðmæti eru í þessum við ef hann er unninn og markaðssetur , einnig er mikilvægt að ná hinum út úr skóginum þar sem hann er mikill eldsmatur ef til skógarelda kemur. Margar leiðir eru til úrvinnslu úr þessu efni. Þar má til dæmis nefna: Smíðavið, við til framleiðslu á klæðningaskífum, girðingarstólpa, hökkun í “pellets” (köggla til eldiviðar), kurlun í eldivið og fleira, kurl eða sag í síur, hökkun í lífmassa til eldsneytisframleiðslu o.m.fl.. Til að auðvelda úrvinnsluna þurfa bændur að ná grisjunarviðnum út úr skóginum og flokka hann í beina stofna sem smíðavið, kræklur sem nota má í skífur og úrgang í kurlun eða hökkun. Nokkur verkefni eru í gangi, en önnur hafa dagað uppi og þarf að draga þau fram í dagsljósið að nýju. Styðja þarf við bakið á þeim verkefnum sem eru í gangi með ráðgjöf eða aðstoða við að leita ráðgjafar. Leita þarf leiða til fjármögnunar hjá opinberum sjóðum eða á hinum frjálsa markaði, svo sem samþykkt var á síðasta aðalfundni LSE á Reykhólum. Samt þarf að gæta þess að skógarbændur sjálfir séu í forystu um framkvæmd verkefnanna en ekki þriðju aðili. Það sem hér er nefnt er hvatning til að hrinda í framkvæmd hlutum sem hafa verið í umræðunni í nokkur ár. Trén vaxa, grisjunarviðurinn safnast upp og það kemur að því að fullvaxin tré verði felld til timburframleiðslu. Það er komið að því að fara að framkvæma. Samþykkt. Nefnd um eldvarnir í skógi á aðalfundi LSE 2008, gerir eftirfarandi tillögur: Hulda Guðmundsdóttir fylgdi tillögum nefndarinnar úr hlaði og voru þær allar samþykktar óbreyttar. Tillaga 13. Ellefti aðalfundur Landssamtaka skógareigenda, haldinn á Hvolsvelli 4. og 5. apríl 2008, gerir eftirfarandi athugasemd við frumvarp til skipulagslaga, á þingskjali nr. 616, mál nr. 374 Við 2.mgr. 12. gr. IV kafla, þar sem kveðið er á um stefnu varðandi landnotkun og byggðaþróun, á eftir orðunum „vatnsvernd, samgöngur“ komi „eldvarnir í skóglendi“ á undan orðunum „o.fl.“ Greinargerð: Á undanförnum árum hefur skógrækt aukist á landsvísu, í kjölfar laga um landshlutabundin skógræktarverkefni sem hófst með lögum um Héraðsskóga. Víða um land er því skógur að vaxa upp á stórum svæðum og við það hafa skapast nýjar aðstæður varðandi eldhættu. Skógarbændum þykir nauðsynlegt að taka á því, strax á skipulagsstigi sveitarfélaga, að þar sé gert ráð fyrir eldvörnum í skóglendi. Tillaga 14. Aðalfundur Landssamtaka skógareigenda, haldinn á Hvolsvelli 4. og 5. apríl 2008, beinir þeim tilmælum til umhverfisnefndar Alþingis að inn í frumvarp til laga um breytingar á lögum um brunavarnir nr. 75/2000, mál nr. 376 á þskj 618 verði bætt ákvæðum um brunavarnir í skóglendi. Greinargerð Á undanförnum árum hefur skógrækt aukist á landsvísu, í kjölfar laga nr.um landshlutabundin skógræktarverkefni sem hófst með lögum um Héraðsskóga. Víða um land er því skógur að vaxa upp á stórum svæðum og við það hafa skapast nýjar aðstæður varðandi eldhættu. Skógarbændum þykir nauðsynlegt að taka á því í lögum um brunavarnir verði tekið á eldvörnum í skóglendi. Tillögur 13 og 14 verði sendar til Umhverfisnefndar Alþingis. Tillaga 15. Aðalfundur Landssamtaka skógareigenda, haldinn á Hvolsvelli 4. og 5. apríl 2008, beinir þeim tilmælum til landshlutaverkefna í skógrækt að þau fari að fordæmi Suðurlandsskóga og vinni brunavarnaáætlun sem hluta af skógræktarsamningi við hvern skógarbónda. Áætlanirnar liggi fyrir árið 2012. Tillagan sendist á öll landshlutabundnu skógræktarverkefnin. Tillaga 16. Aðalfundur Landssamtaka skógareigenda, haldinn á Hvolsvelli 4. og 5. apríl 2008, beinir því til Skógræktar ríkisins að ljúka við gerð brunavarnaáætlana í öllum þjóðskógum landsins, fyrir árið 2012. Tillagan sendist á S.r. Tillaga 17. Aðalfundur Landssamtaka skógareigenda, haldinn á Hvolsvelli 4. og 5. apríl 2008, skorar á umhverfisráðherra að hafa frumkvæði að endurskoðun brunavarnaáætlana sveitarfélaga m.t.t. brunavarna í skóglendi og viðbragða við skógareldum, svo sem með skráningu á staðsetningu neyðarverkfæra. Þar skal einkum bent á haugsugur sem reynst hafa vel við stórbruna eins og á Mýrunum árið 2006. Tillagan sendist til umhverfisráðherra. Tillaga 18. Aðalfundur Landssamtaka skógareigenda, haldinn á Hvolsvelli 4. og 5. apríl 2008, skorar á aðildarfélög LSE að standa fyrir kynningu til skógarbænda á brunavörnum í skóglendi og gerð staðbundinna eldvarnaráætlana. Tillagan sendist á öll aðildarfélög LSE Tillaga 19. Aðalfundur Landssamtaka skógareigenda, haldinn á Hvolsvelli 4. og 5. apríl 2008, beinir því til stjórnar LSE að hún láti útbúa fyrir skógarbændur einfaldar leiðbeiningar um grunnatriði brunavarna í eigin skógi. Tillaga 20. Aðalfundur LSE haldinn á Hvolsvelli dagana 4. til 5. apríl 2008 felur stjórn LSE að tilkynna Viðlagatryggingu Íslands að vel geti komið til greina að brunatryggja nytjaskóga hér á landi og með því sé litið svo á, að vátryggingunni fylgi vátryggingarvernd af völdum tjónsatburða, sem Viðlagatrygging Íslands hefur með að gera, enda hafi vátryggingarfélagið innheimt iðgjöld til Viðlagatryggingar Íslands vegna þessara áhætta. Stjórnarkjör: Einn aðalmaður í stjórn átti að ganga út en það var Reynir Ásgeirsson, hann gaf kost á sér og var einróma kosin. Stjórn LSE er þannig skipuð. Edda Kr. Björnsdóttir formaður Ásvaldur Magnússon varaformaður, Stefán Jónsson meðstjórnandi, Þórarinn Svavarsson gjaldkeri, og Reynir Ásgeirson ritari. Varamenn Þorsteinn Pétursson, Rafn Johnson, Anna Ragnarsdóttir. Skoðunarmenn: Ásmundur Guðmundsson og Jóhanna H. Sigurðardóttir. Fulltrúi á Búnaðarþingi, Edda K. Björnsdóttir, fulltrúi í nefnd um landsáætlun í skógrækt 2009-2020, Álfhildur Ólafsdóttir, fulltrúi í Grænni skógum, Þórarinn Svavarsson. Önnur mál: Tillaga Eddu, fskj.2, um áskorun til umhverfisráðherra um að LSE eigi fulltrúa í fagráði í skógrækt og landgræðslu var samþykkt. Edda, formaður samtakanna, opnaði formlega heimasíðuna, www.skogarbaendur.net og hvatti félögin til að hafa þetta veffang inni á sinni síðu til að auðvelda aðgang. Anna Ragnarsdóttir nýkjörin í varastjórn kynnti sig. Fundurinn sendir góðar kveðjur til Stefáns Jónssonar með óskum um betri heilsu. Samþykkt var að styrkja Guðmund Magnússon um kr. 100.000, til Kanadaferðar vegna athugana hans á flöguklæðningum úr afgangsviði. Fundi slitið kl.12.40. Fylgiskjöl: Skýrsla stjórnar, Eddu Kristínar Björnsdóttur Yfirlýsing send umhverfis- og landbúnaðarráðherra um losunarheimildir Athugasemd vegna skipunar umhverfisráðherra í fagráð Rekstrar- og efnahagsreikningur. Fundargerð rituðu María E. Ingvadóttir og Margrét Þórðardóttir. Fylgiskjal 1. Skýrsla stjórnar Landssamtaka Skógareigenda, flutt á aðalfundi samtakanna að Hótel Hvolsvelli 4. og 5. apríl 2008 Ágætur félagar. Það var ákveðið á síðasta aðalfundi Landssamtaka Skógareigenda sem haldin var á Reykhólum 24 og 25 ágúst 2007 að færa fram aðalfundinn og gera tilraun með að halda hann í tengslum við fagráðstefnuna í skógrækt sem hefð er fyrir að halda snemma vors. Þetta er að vísu kannski full snemmt fyrir einhverja, en það er erfitt að gera svo öllum líki og vonandi eigum við hér góðan fund og þokum okkar málum áfram eins og alltaf. Stjórnin byrjaði strax að vinna eftir aðalfund og var fyrst sendar út samþykktar tillögur frá fundinum til þeirra sem málin snéru að. Við boðuðum til fundar um kolefnismálin og var hann haldinn að Rjúpnasölum 14. í Kópavogi þann 9. október. Þar mættu nokkrir nefndarmenn auk stjórnarmanna ásamt þeim Þresti Eysteinssyni frá Skógrækt ríkisins og Daði Má Kristóferssyni hagfræðingi Bændasamtaka Íslands. Í framhaldi af þeim fundi sendi stjórn LSE frá sér yfirlýsingu þar sem við mótmæltum úthlutun losunarheimilda gróðurhúsalofttegunda af hálfu stjórnvalda þann 28. sept. s.l. Mótmælin voru send umhverfisráðherra Þórunni Sveinbjarnardóttur og landbúnaðarráðherra Einari Kr. Guðfinnssyni. Við fengum síðan svar frá Umhverfisráðuneytinu um “að það hafi engum losunarheimildum verið úthlutað sem orðið hafi til með skógrækt, hvorki í skógum í eigu ríkisins eða í eigu annarra” eins og stóð í bréfinu. Þann 8. nóvember 2007 héldum við svo haustfundinn þar sem stjórnin og framkvæmdastjórar verkefnanna hittust og fóru yfir ýmis mál sem brenna á og varaðar samskipti verkefnanna og skógarbænda. Þar var mikið rætt um flutning Skógræktar ríkisins yfir til umhverfisráðuneytisins og sendum við umsögn okkar um “bandorms”- frumvarpið svokallaða til þingsins. Á fundinum var m.a. samþykkt að stefna að formlegri opnun á heimasíðu fyrir LSE á næsta aðalfundi, og eins og þið sjáið verður það að veruleika hér í dag. Við ýttum úr vör starfshópi í samvinnu við Skógrækt ríkisins og Skógræktarfélagi Íslands um verðmat á skógi og hefur Björn B. Jónsson leitt það starf fyrir okkar hönd. Björn situr einnig fyrir okkar hönd í nefnd sem vinnu að tryggingum og brunavörnum í skóglendi. Á aðalfundinum var stjórninni enn og aftur falið að leita leiða til að fjármagna starfsmann fyrir samtökin og fóru Edda og Ásvaldur á fund með Landbúnaðarráðherra og ræddu ýmsar leiðir í því efni. Við fór svo í að sækja um fjármagn til fjárlaganefndar og fengum jákvæða afgreiðslu á fjárlögum þessa árs. Við unnum að vísu bara hálfan sigur í þessu máli og okkur varð ljóst að við gætum ekki ráðið í fullt starf fyrir þetta ár. Það varð því sameiginleg niðurstaða stjórnar að auglýsa ekki starfið í ár, heldur leita að einstaklingi sem hefði þekkingu á okkar hagsmunum og gæti verið leiðandi í uppbygginu á félagsstarfi fyrir LSE og út í aðildarfélögunum. Við munum síðan endurskoða þessa ákvörðun okkar þegar líður á árið og stefnum við að því að fastráða starfsmann um næstu áramót. Annar stjórnarfundur var svo haldin á Hótel Sögu 6. febrúar s.l. þar sem farið var yfir stöðuna og gengið til samninga við Björn B. Jónsson um að hann sinnti framkvæmdastjórastarfi fyrir LSE fram að næstu áramótum. Það skalt tekið fram að í raun er þetta samstarf milli stjórnar Suðurlandsskóga og LSE um starf Björns. Við teljum að það hafi verið mikill áfangi fyrir okkur að ráða Björn og bindum við miklar vonir við hans starf og mun hann skýra frá starfi sínu fyrir okkar hönd hér á eftir. Eins og þið vitið þá er stuttur tími frá síðasta aðalfundi, og þó skýrsla stjórnar sé ekki löng í þetta skiptið þá eru mörg mikilvæg mál í vinnslu sem Björn mun gera betri skil hér á eftir. Gert á Miðhúsum 01.04.2008 Edda Kr. Björnsdóttir formaður (sign) Fylgiskjal 2. Hvoli 5.apríl 2008. Sjávarútvegs og landbúnaðarráðherra Einar Kr. Guðfinnsson Sölvhólsgötu 7 150 Reykjavík Erindi: Alvarlegar athugasemdir við skipan fagráðs í skógrækt og landgræðslu og beiðni um fulltrúa LSE í fagráðinu. Aðalfundur Landssamtaka skógareigenda haldinn að Hvoli 5. apríl 2008 fer þess á leit við Umhverfisráðherra að LSE eigi fulltrúa í fagráði um skógrækt og landgræðslu. Fundurinn bendir á að um 80% af allri nýskógrækt sé framkvæmd af skógarbændum vítt og breitt um landið. Það eru um 700 skógarbændur starfandi innan landshlutaverkefna í skógrækt og skiptir öll ákvarðanataka og stefnumótun um þeirra málefni miklu máli fyrir þessa ört vaxandi búgrein. Landssamtök skógareigenda eru regnhlífasamtök allra landshlutafélaganna og því telur fundurinn brýna nauðsyn á að samtökin eigi fulltrúa í fagráðinu. Virðingarfyllst, F.h. Landssamtaka skógareigenda ______________________________ Edda Kr. Björnsdóttir formaður Samrit sent: Umhverfisráðherra Þórunni Sveinbjarnardóttur Fylgiskjal 3. Miðhúsum 15. okóber 2007 Umhverfisráðherra Þórunn Sveinbjarnardóttir Umhverfisráðuneytinu Skuggasundi 1 150 Reykjavík Efni; Mótmæli Landssamtaka skógareigenda við úthlutun á losunarheimildum gróðurhúsalofttegunda af hálfu stjórnvalda þann 28. september 2007 Þann 28. september s.l. var tilkynnt um úthlutun ríkisins á losunarheimildum til stóriðju á árunum 2008-2012 skv. lögum um losun gróðurhúsalofttegunda nr. 65/2007. Að hluta urðu þær losunarheimildir til við bindingu kolefnis í skógi sem ræktaður hefur verið síðan 1990. Meirihluti þess skógar er á bújörðum og er eign þeirra sem þar búa og/eða eiga viðkomandi land. Afurðir skóganna, þ.m.t. kolefnisbinding, eru einnig eignir viðkomandi skógareiganda þar til þær eru seldar. Engin sala á kolefnisbindingu skóga hefur átt sér stað frá skógareigendum til ríkisins og hefur ríkið því úthlutað losunarheimildum sem það hafði ekki eignarrétt á, m.ö.o. ráðstafað eignum annarra. Landssamtök skógareigenda mótmæla þessari ráðstöfun og viðurkenna ekki rétt ríkisins til úthlutunar losunarheimilda sem byggðar eru á bindingu kolefnis í skógum skógareigenda. Ennfremur telja Landssamtökin að skógareigendur hafi fullt frelsi til að ráðstafa að vild losunarheimildum sem skapast við kolefnisbindingu í skógum þeirra F.h. Landssamtaka skógareigenda Edda Kr. Björnsdóttir, formaður LSE

PDF Tófti aðalfundur Landssamtaka skógareigenda haldinn á Stórutjörnum 18. og 19. september 2009 Dagskrá fundarins: Föstudagur 18. september Kl. 16:00 Fundur settur. Kl. 16:15 Kosnir starfsmenn fundarins. Kl. 16:15 Mál lögð fyrir fundinn. Ávörp gesta Kl. 17:00 Ný stefnumótun í skógræktarmálum Íslands – Þröstur Eysteinsson. Kl. 18:00 Skipað í nefndir fundarins og málum vísað til nefnda. Kl. 18:15 Fundi frestað. Nefndir hefja störf. Kl. 19:30 Kvöldmatur. Kl. 20:30 Framhald nefndarstarfa. Kl. 20:30 Þingeyjarsýslur – Menning og saga. Ætlað mökum fundarmanna og öðrum fundargestum sem hafa lokið nefndarstörfum. Laugardagur 19. september Kl. 08:00 Morgunverður. Kl. 09:00 Framhald aðalfundar. Skýrsla stjórnar. Kl. 09:45 Ávörp gesta. Kaffi Kl. 10:30 Nefndir skila áliti. Kl. 11:15 Kosningar: Tveir menn í stjórn, þrír menn í varastjórn, tveir skoðunarmenn. Kl. 11:30 Önnur mál. Kl. 12:45 Fundarlok. Kl. 12:45 Hádegismatur. Kl. 14:00 Ferð að Vöglum – skógarskoðun Fararstjóri; Aðalsteinn Jónsson Leiðsögn um Vaglaskóg: Sigurður Skúlason Kl. 17:30 Komið í Stórutjarnaskóla. Kl. 19:00 Fordrykkur. Kl. 19:30 Árshátíð skógarbænda. 1. Fundur settur. Formaður LSE, Edda Kr. Björnsdóttir, setti fund og minntist látinna félaga við það tækifæri, Stefáns Jónssonar og Hákons Aðalsteinssonar. 2. Kosnir starfsmenn fundarins. Starfsmenn fundarins voru kjörnir; Tryggi Harðarson, sveitarstjóri Þingeyjarsveitar, fundarstjóri, til vara Páll Ingvarsson. Freyja Gunnarsdóttir fundarritari og til vara Rakel Jónsdóttir. Fundarstjóri bauð menn velkomna og gengið var til dagskrár. 3. Mál lögð fyrir fundinn. Ávörp gesta Jón Bjarnason landbúnaðarráðherra ávarpaði fundinn. Nefnd á vegum landbúnaðarráðuneytis um stefnumótun í nytjaskógrækt er starfandi. Nefndin á að skila inn til ráðherra skýrslu um landshlutabundnu skógræktarverkefnin sem stuðst verður við til þess að ákvarða fjárframlög næstu 10 ára. Fjárveiting til landshlutaverkefnanna lækkar um 6 – 7 % á þessu ári og búast má við lækkun fjárframlaga á næsta ári líka. Björn Bj. Jónsson, starfsmaður LSE, fór yfir það helsta sem hefur verið í deiglunni hjá samtökunum. Sagði að það væru 848 kennitölur innan landssamtakanna s.s. félagar í LSE. Kynnti einnig nýútkomna bók um brunavarnir og sagði að á síðustu tveimur árum (2007 og 2008) hefðu orðið 287 útköll vegna gróðurelda. Á vegum LSE hefur verið nefnd að störfum um verðmat á skógum og fór BBJ vel yfir þær forsendur sem nefndin hefur lagt niður fyrir sig í útreikningum á verðmæti skóga. María E. Ingvadóttir fjallaði um kolefnisbindingu og störf nefndar sem hefur verið að vinna í þeim málum. Vinnuheitið er SkógarKol og aðilar að samstarfinu eru LSE, Mógilsá og LHV. Markmið er að þróa og koma í gagnið mats-og vottunaraðila fyrir kolefnisbindingu í íslenskum skógum ásamt því að stuðla að uppbyggingu á kolefnismarkaði með kolefnisbindingu skógræktar á Íslandi. Ávinningur á því að koma slíku kerfi upp er að trúverðug úttekt á kolefnisbindingu gerir hana að söluvöru og opnar skógræktendum möguleika á að sela vöru sína á opinberum og óopinberum mörkuðum. Starfsmaður verkefnisins er Brynhildur Bjarnadóttir sem mun á næstunni heimsækja skógræktarverkefnin. Hugsanleg framkvæmd hérlendis eftir heimsóknir: Endurkortlagning á gróðursetningum (a.m.k. 8-12 ára reitir) og eftir hana leggur vottunaraðili út “stratifíseraða random” mælireiti í gagnagrunn (tölvu). Mælireitir verði síðan heimsóttir og ákveðnum grunnupplýsingum safnað s.s. þvermáli, hæð o. s. frv. Frá þeim upplýsingum er kolefnisforði metinn (binding/losun) Vottunaraðili mælir nokkra reiti sjálfur og vottar. María segir nauðsynlegt að bændur verði tilbúnir þegar kolefnismarkaðir opnast eftir það ,,frost” sem myndaðist við efnahagshrunið. 4. Ný stefnumótun í skógræktarmálum Íslands - Þröstur Eysteinsson Þröstur Eysteinsson ræddi stefnumótun í skógrækt en þar er um að ræða vinnu nefndar sem er að vinna í þeim málum. Það er til opinber stefna sem finnst víða m.a. Skógræktarlög, lög um landshlutaverkefni og náttúruverndarlög ásamt ýmsum samningum og samstarfsverkefnum s.s. Hekluskógar og Landgræðsluskógar. Einnig eru til lög og reglugerðir sem setja hömlur á skógrækt sem eru þá einnig hluti af stefnu í skógræktarmálum. Þar má nefna skipulags-og byggingarlög, lög um mat á umhverfisáhrifum, reglugerð um innflutning á plöntum. Í árslok 2006 fól landbúnaðarráðherra skógræktarstjóra að undirbúa nýja stefnumótun í íslenskum skógræktarmálum. Í hópnum eru 7 aðilar undir forystu skógræktarstjóra. Helsta fyrirmynd er skýrsla starfshóps um stefnumótun í skógrækt – drög sem komu í apríl 2001, danska landsáætlunin í skógrækt og síðan svokölluð skosk stefna sem nefndin hefur skoðað vel en margt er líkt með Íslendingum og Skotum m.a. svipaðar hefðir í landbúnaði. Skotar eru komnir lengra í skógrækt, komnir í 17% skógarþekju en við í 0,3%, nokkur skógariðnaður er kominn, lokafelling er hafin, ferðaþjónusta lengra komin en Íslendingar hafa greiðari aðgang að skógum til útivistar og því eru Íslendingar duglegri við að nýta skóga til útivistar. Skotar hafa þegar komið sér upp stefnumiðum í skógrækt til 50 ára, þau stefnumið voru sett árið 2006. Unnið er út frá hinum þremur stoðum sjálfbærrar þróunar; þeirri félagslegu, umhverfislegu og efnahagslegu ásamt sjö lykilþemum: loftslagsbreytingar, viðarnytjar, þróun úrvinnslu og viðskipta, samfélagsþróun, aðgengi og heilsa, umhverfisgæði og líffræðileg fjölbreytni. ÞE vonast til að þessi nefndi skili af sér í vetur og þá fer skýrsla til hagsmunaaðila til umsagnar. Sveinn Jónsson frá Kálfskinni ávarpaði fundinn. Spurði út í verðmat skógarins og vinnuna við það. Fór einnig vítt og breitt yfir ræktun. ÞE svaraði spurningu um lerki og viðarmagn. Ræddi einnig útvegun á efni sem hefur stóraukust eftir hrun þ.e. eftirspurn eftir við innanlands. Fundarstjóri bauð fólki að leggja fram mál fyrir fundinn þegar hér var komið. María Ingvadóttir frá Félagi skógarbænda á Suðurlandi fór yfir punkta frá fundi skógarbænda sunnan heiða með nefnd um stefnumótun í nytjaskógrækt og lagði í framhaldinu fram tvær tillögur frá félaginu. Hljóðaði önnur tillagan upp á að tryggja þyrfti að Rannsóknarstöðin að Mógilsá gæti eflst og styrkst sem sjálfstæð og vísindaleg rannsóknarstöð og viðurkenndur vottunaraðili en hin um að koma þyrfti á skilvirkum gagnagrunni þannig að skógareigendur gætu nýtt sér á sem bestan máta allar þær rannsóknir sem framkvæmdar hafa verið og niðurstöður þeirra sem tengjast skógrækt. Sigurður Jónsson lagði fram tillögu um nýja tilhögun á útgáfu fréttablaðsins ,,Við skógareigendur”. Jóhann Gísli Jóhannsson lagði fram tillögu frá Félagi skógarbænda á Héraði þar sem skorað er á landbúnaðarráðherra að breyta skipun á formönnum stjórna landshlutaverkefnanna. Þórarinn Svavarsson gjaldkeri LSE lagði fram tillögur um laun stjórnarmanna sem og fjárhagsáætlun fyrir árin 2009 og 2010. Ástvaldur Magnússon lagði fram tillögu um skipun nefndar á landsvísu til að semja um verktaxta. Björn Bj. Jónsson þakkaði góð orð Sveins í Kálfskinni og lagði fram tillögu nefndar um verðmat skóga þar sem lagt er til að skipuð verði nefnd sem endurskoði árlega verðgrunninn. 5. Skipað í nefndir fundarins og málum vísað til nefnda. Reynir Ásgeirsson kynnti nefndir til starfa: Allsherjarnefnd – Formaður; Jóhann Gísli Jóhannsson. Til nefndarinnar var vísað tillögu nefndar um verðmat skóga. Fjárhagsnefnd – Formaður; Þórarinn Svavarsson. Til nefndarinnar var vísað tillögum um laun stjórnar LSE og fjárhagsáætlun LSE. Félagsmálanefnd – Formaður: Björn Ármann Ólafsson. Til nefndarinnar var vísað tillögu um nýja tilhögun við útgáfu fréttablaðsins „Við skógareigendur”, tillögu um nefnd til að semja um taxta og tillögu um að landbúnaðarráðherra breyti skipun á formönnum í stjórn landshlutaverkefnanna. Kolefnisnefnd – Formaður; María E. Ingvadóttir. Til nefndarinnar var vísað tillögu um Rannsóknarstöðina á Mógilsá og tillögu um gagnagrunn. Hulda Guðmundsdóttir sem hafði verið tilnefnd sem formaður allsherjarnefndar baðst undan formennsku í nefndarstörfum og við allsherjarnefnd tók við formennsku Jóhann Gísli Jóhannsson sem hafði verið tilnefndur formaður úrvinnslunefndar sem fékk engar tillögur til afgreiðslu. Edda Kr. Björnsdóttir steig í pontu og lýsti ánægju sinni með það að landbúnaðarráðherra sæti enn í salnum sem og meðreiðarsveinar hans tveir. Hún þakkaði einnig stjórnarformanni Norðurlandsskóga fundarsetu. Valgerður Jónsdóttir framkvæmdastjóri Norðurlandsskóga fór yfir nokkur praktísk atriði er varðaði mat og drykk. 6. Aðalfundi frestað og nefndastörf hefjast. Kvöldmatur. Framhald nefndastarfa. 7. Framhald aðalfundar. Skýrsla stjórnar Edda Kr. Björnsdóttir formaður LSE flutti skýrslu stjórnar og fór yfir starf samtakanna frá síðasta aðalfundi. Þórarinn Svavarsson gerði grein fyrir endurskoðuðum reikningi samtakanna. Niðurstöður rekstrarreiknings; Rekstrartekjur 7.154.031 rekstrargjöld 5.915.929 rekstrarhagnaður 1.238.102 Niðurstöður efnahagsreiknings; Eignir 2.420.917 Eigið fé 2.353.928 Skuldir 66.989 Eigið fé og skuldir 2.420.917 Umræður um skýrslu stjórnar og ársreikning. BBJ þakkaði formanni góða skýrslu og góð orð í sinn garð. Hann svaraði einnig fyrirspurn úr sal varðandi samning LSE og Suðurlandsskóga um rekstur á skrifstofu vegna starfsmanns en samningurinn innifelur allan kostnað vegna starfsmanns. BBJ sagði framtíðarverkefnið vera úrvinnslumálin og skógarbændur þyrftu að vera tilbúnir. Hann hafði m.a. kynnt sér slík mál hjá systursamtökum LSE á Norðurlöndum. Reikningar samþykktir samhljóða. 8. Ávörp gesta. Björgvin Eggertsson verkefnisstjóri Grænni skóga ávarpaði fundinn og bar kveðju rektors LBHÍ. Spurði m.a. hve margir í salnum hefðu tekið þátt í námskeiðsröðum Grænni skóga og í ljós kom að meirihluti fundargesta höfðu tekið þátt. BE sagðist hafa séð árangur af náminu í nefndarvinnunni sem fór fram daginn áður þar sem erfiðað spurningar hefðu verið lagðar fram. BE fór yfir námskeiðshald í græna geiranum en það vinsælasta í vetur hefur verið námskeið um dráttarvélar (gamla traktora). Hvatti hann fólk til að hafa samband ef það hefði einhverjar óskir um námskeið. BE þakkaði góðan fund og óskaði skógarbændum góðs gengis. Svana Halldórsdóttir stjórnarmaður í Bændasamtökum Íslands og skógarbóndi ávarpaði fundinn. Svana fór aðeins yfir skipulag Bændasamtakanna sem eru regnhlífarsamtök í landbúnaði. Innan BÍ eru mörg samtök, m.a. LSE sem á einn fulltrúa á Búnaðarþingi enda skógrækt viðurkennd landbúnaðargrein. SH sagði að skipting skógræktargeirans á milli tveggja ráðuneyta hefði ekki vakið ánægju innan BÍ. SH fór aðeins inn á að umsókn að ESB væri í gangi og mikil vinna varðandi það hjá BÍ. Vænti hún hjálpar frá aðildarsamtökum BÍ við þá vinnu. Óskaði skógræktinni í landinu alls góðs á komandi árum. 9. Nefndir skila áliti. Tillögur frá allsherjarnefnd – Jóhann Gísli Jóhannsson 1. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, leggur til að LSE skipi þriggja manna nefnd sem endurskoði árlega verðgrunn að verðmæti skóga.” Samþykkt samhljóða 2. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, leggur til að LSE skipi þriggja manna nefnd sem vinni að markaðsmálum á fjölbreyttum skógarafurðum til að hámarka verðmæti afurðanna.” Samþykkt samhljóða 3. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, samþykkir að á aðalfundi skuli skipað í allar nefndir fundarins.” Samþykkt samhljóða 4. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, beinir því til stjórnar LSE að huga að nýtingu lands.” Dregin til baka 5. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, beinir því til stjórnar LSE að hún vinni að því að minnst þrír fulltrúar mæti frá hverju félagi á aðalfund.” Breytingartillaga: ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, beinir því til stjórna aðildarfélaganna að þær vinni að því að minnst þrír fulltrúar mæti frá hverju félagi á aðalfund.” Samþykkt samhljóða ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, beinir því til stjórna aðildarfélaganna að þær vinni að því að minnst þrír fulltrúar mæti frá hverju félagi á aðalfund.” Samþykkt samhljóða þegar tillagan var borin upp með breytingu 6. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, vinni að því að fréttir og aðrir viðburðir hjá landshlutaverkefnunum verði settir inn á heimasíðu LSE.” Breytingartillaga ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, beinir því til aðildarfélaga og almennra félagsmannna, að þeir sendi umsjónarmanni heimasíðu LSE, fréttir af starfi og öðrum viðburðum landshlutaverkefnanna til birtingar á síðunni” Samþykkt með þorra atkvæða gegn 1 ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, beinir því til aðildarfélaga og almennra félagsmannna, að þeir sendi umsjónarmanni heimasíðu LSE, fréttir af starfi og öðrum viðburðum landshlutaverkefnanna til birtingar á síðunni” Samþykkt samhljóða þegar tillagan var borin upp með breytingu. Mikil og góð umræða spannst um 4. tillögu allsherjarnefndar um nýtingu lands áður en tillagan var dregin til baka. Björn Ármann Ólafsson ræddi 4. tillögu þar sem ályktað er um nýtingu lands, m.a. útfrá aðalskipulagi sveitarfélaga. Sagði BÁÓ mikilvægt að fara í þessa umræðu. Einnig ræddi BÁÓ 5. tillögu um skyldumætingu á aðalfundi en þar nefndi hann hvort þyrfti að setja upp gulrót til að fá fólk á fundi. Edda Kr. Björnsdóttir sagðist sjá sig tilneydda til að tjá sig um 4. tillögu. Sagði þetta gott mál og fagnar umræðu um nýtingu lands. Sveinn í Kálfskinni ræddi einnig um 4. tillögu. Sagði það skyldu manna að skoða vel skynsamlega nýtingu lands. Þetta væri eitt af stóru málunum. Einnig ræddi Sveinn 2. tillögu þar sem ályktað er um markaðsmál. Björn Bj. Jónsson tók til máls og sagðist taka undir flestar tillögurnar en vildi leggja fram breytingartillögu við 6. tillögu þar sem bætt yrði við inn í hana klausu um viðburði hjá landshlutaverkefnunum og skógarbændafélögum. Einnig benti hann á að það væru fulltrúar frá öllum félögum á fundinum en ekki úr öllum stjórnum félaganna, spurning hvort ætti að hnykkja aðeins á 5. tillögu Sigurbjörg Snorradóttir ræddi skipulag og nýtingu lands. Sagðist ekki sjá hvernig skógur gæti staðið annarri ræktun fyrir þrifum. Í sínum huga væri fínt að nýta land sem þarf að hvíla til að planta í, þegar þyrfti að nota landið í eitthvað annað væri bara að höggva. Valgerður Jónsdóttir tók undir með Sigurbjörgu varðandi nýtingu lands. Benti nefndinni á að vinna tillöguna meira, sagði vanta meira kjöt á beinin og að gera betur grein fyrir hvað væri verið að fara með tillögunni. Valgerður ræddi einnig heimasíðumál. Edda ræddi tillögu 4 og bar fram frávísunartillögu. Sagði nefnd vera að vinna í þessu máli og niðurstaða úr þeirri vinnu væntanleg á næstunni. Helga Dóra Kristjánsdóttir ræddi tillögu 3. Sagði þetta ætti að vera undir undirbúningi stjórnar LSE fyrir aðalfund. Á stjórnarfundi LSE fyrir aðalfund ætti að liggja fyrir hverjir mæti á fundinn og skipa í nefndir eftir því. Einnig nefndi hún að það mættu vera nafnspjöld og upplýsingar um stjórn og nefndir í fundarmöppum. Jóhann G. Jóhannsson nefndarformaður dró 4. tillögu til baka. Tók einnig undir með fleirum um heimasíðumál. Varðandi 5. tillögu vildi hann beina því til stjórna félaganna að minnst þrír úr stjórn aðildarfélags mæti á aðalfund. Ræddi einnig um meiri festu í dagskrá aðalfundar. Byrja á skýrslu stjórnar en ekki hafa hana tvisvar og nefndarstörf ættu að fara fram báða dagana. Ásvaldur Magnússon tók til máls um 5. tillögu, einnig ræddi hann um nýtingu lands. Sagði mun á því hvað væri verið að tala um þegar skógarbændur töluðu um ræktanlegt land eða akuryrkjubændur. Tillögur frá félagsmálanefnd – Björn Ármann Ólafsson 1. tillaga; ,, Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009 samþykkir að kjósa 5 manna nefnd til að semja um vinnutaxta bænda á landsvísu og skal einn nefndarmaður vera úr hverju aðildarfélagi.” Samþykkt samhljóða 2. tillaga; ,, Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009 samþykkir að færa Brunamálastofnun kærar þakkir fyrir aðstoð við gerð ritsins Gróðureldar sem kom út 30.apríl 2009.” Samþykkt samhljóða 3. tillaga; ,, Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009 samþykkir að skora á landbúnaðarráðherra að breyta skipun á formönnum stjórnar landshlutaverkefnanna. Ráðherra leiti til stjórnar LSE um að tilnefna formannsefni í þessar stjórnir.” Samþykkt samhljóða 4. tillaga; ,, Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009 samþykkir að aðalfundur LSE tilnefni ritstjóra fréttablaðsins ,,Við skógareigendur” árlega. Ritstjóri starfi í samvinnu við framkvæmdastjóra og stjórn LSE. Ritstjóri velji sér síðan landshlutafélag til að vinna með að útgáfunni hverju sinni.” Samþykkt samhljóða Tillögur frá kolefnisnefnd – María E. Ingvadóttir 1. tillaga; ,,Aðalfundur Landssamtaka skógareigenda (LSE), haldinn í Stórutjarnarskóla, 18. og 19. september 2009, leggur áherslu á hversu mikilvægt sé að á hverju svæði séu notuð fræ af því svæði. Sameina þarf krafta, þekkingu og aðstöðu sem fyrir er og koma upp fræhúsum í hverjum landshluta. Stjórn LSE er falið að vinna að því, að sem fyrst verði reist fræverkunarstöð og fræbanki sem þjóna mun öllu landinu.” Breyting eftir vinnu nefndar. ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, leggur áherslu á hversu mikilvægt sé að á hverju svæði séu notuð besta kvæmi af hverri tegund. Sameina þarf krafta, þekkingu og aðstöðu sem fyrir er og koma upp fræhúsum í hverjum landshluta. Stjórn LSE er falið að vinna að því, að sem fyrst verði reist fræverkunarstöð og fræbanki sem þjóna mun öllu landinu.” Samþykkt samhljóða 2. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, ályktar að þar sem mikilvægt er og hagkvæmt að nýta þá þekkingu og aðstöðu sem til er í landinu, þarf að tryggja aðgengi að fagfólki, upplýsingum og rannsóknarniðurstöðum, þannig að hægt sé að bregðast strax við þeim vandamálum sem upp koma hverju sinni. Koma þarf á skilvirkum gagnagrunni þannig að skógareigendur geti nýtt sér á sem bestan máta allar þær rannsóknir og niðurstöður sem framkvæmdar hafa verið og tengjast skógrækt. Við beinum því til stjórnar LSE að hún kanni hver gæti best sett upp og haldið við slíkum upplýsingabanka og sjái til þess að honum verði komið upp.” Samþykkt samhjóða 3. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, leggur áherslu á nauðsyn þess að tryggja að Rannsóknarstöðin að Mógilsá geti eflst og styrkst sem sjálfstæð og vísindaleg rannsóknarstöð og viðurkenndur vottunaraðili. Því marki verður aðeins náð, verði hún sérstök stofnun, en ekki hluti af Skógrækt ríkisins. Sé litið til framtíðar og viðurkenndra rannsóknarniðurstaðna og þess vottunarferlis sem ný verkefni kalla á, verður sjálfstæði Rannsóknarstöðvarinnar að vera hafið yfir allan vafa. Möguleikar hennar innanlands og erlendis eru margvíslegir og vegur hennar í vísindasamfélaginu gæti eflst til muna, ásamt umtalsverðum tekjumöguleikum.” Samþykkt samhljóða 4. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, ítrekar að þar sem kolefnisbinding skóga, er ein af afurðum skógarbænda, er mikilvægt að stjórnvöld styðji við þá vinnu sem nú er unnin til undirbúnings, mati og mælingu á kolefnisbindingu íslenskra skóga, enda er þar um að ræða mjög verðmæta vöru. Minna má á mikilvægi kolefnisbindingar í skuldbindingum íslenska ríkisins í alþjóðlegum loftslagssamningum.” Breyting eftir vinnu nefndar. ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, ítrekar að þar sem kolefnisbinding skóga, er ein af afurðum skógarbænda, er mikilvægt að stjórnvöld styðji við þá vinnu sem nú er unnin til undirbúnings mati, mælingu og markaðssetningu á kolefnisbindingu íslenskra skóga, enda er þar um að ræða mjög verðmæta söluvöru. Minna má á mikilvægi kolefnisbindingar í skuldbindingum íslenska ríkisins í alþjóðlegum loftslagssamningum.” Samþykkt samhljóða Nokkrar umræður urðu um tillögur kolefnisnefndar og varð úr að nefndin koman saman á ný til að fara yfir ýmsar athugasemdir og tillögur að orðalagsbreytingum sem komu fram í umræðum. Edda Kr. Björnsdóttir gerði athugasemd við tillögu 4 og lagði fram breytingu á orðalagi þar sem inn kæmi að kolefnisbinding væri ein af aðalafurðum skógarbænda. Þorsteinn Pétursson vildi einnig gera orðalagsbreytingar á tillögunni þar sem hnykkt væri á kolefnisbindingu sem söluvöru. Jóhann G. Jóhannsson tjáði sig um tillögur kolefnisnefndar og sagði þær alltof langar. Lagði til að kolefnisnefnd kæmi saman á ný og ynni tillögur sínar betur. Valgerður Jónsdóttir tjáði sig um 1. tillögu og sagði hana ekki tímabæra. Bað nefndina að íhuga þessa tillögu aðeins og benti á að nefnd um stefnumótun í nytjaskógrækt væri að vinna að þessum málum. Valgerður sagðist einnig ekki vera sammála formanni um að kolefnisbindingin væri aðalafurð skógarbænda. Björn Ármann Ólafsson ræddi einnig tillögu 1 og sagðist sammála Valgerði að það þyrfti að hugsa þetta betur, m.a. útfrá gæðakerfi þeirra gróðrastöðva sem fyrir hendi eru. Tillaga frá Inga Tryggvasyni ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, skorar á landbúnaðarráðherra að sjá til þess að framlög á fjárlögum ríkisins til landshlutabundinna skógræktarverkefna minnki alls ekki að raungildi frá því sem nú er. Bendir fundurinn á að skógarbændur treysta margir á framlög til skógræktar sem hluta af afkomu sinni auk þess sem þjóðinni er nauðsynlegt að auka kolefnisbindingu í landinu.” Samþykkt samhljóða Tillögur frá fjárhagsnefnd – Þórarinn Svavarsson 1. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, samþykkir eftirfarandi fjárhagsáætlun fyrir starfsárin 2009 og 2010: Rekstrartekjur: 2010 2009 2008 Félagsgjöld 550.000 500.000 486.000 Ýmis framlög 400.000 400.000 405.946 Vaxtatekjur 300.000 280.000 262.085 Ríkisframlag 7.000.000 7.000.000 6.000.000 Tekjur alls 8.250.000 8.180.000 7.154.031 Rekstrargjöld Kostnaður vegna aðalfunda 600.000 600.000 757.452 Stjórnar- og fundakostnaður 750.000 750.000 744.333 Ráðstefnur og námskeið 200.000 200.000 52.100 Þróunarvinna 2.000.000 2.000.000 50.266 Rekstur skrifstofu 4.000.000 4.000.000 4.000.000 Blaðaútgáfa 250.000 250.000 172.655 Annað 405.000 340.000 100.000 Vaxta- og bankakostnaður 45.000 40.000 39.123 Gjöld alls 8.250.000 8.180.000 5.915.929 Rekstrarhagnaður (tap) 0 0 1.238.102 Samþykkt samhjóða 2. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, samþykkir að stjórn LSE fái þóknun fyrir árið 2009 sem hér segir: Formaður 100.000 100.000 Gjaldkeri 75.000 75.000 Aðrir stjórnarmenn 60.000 180.000 --------------------------------------------------------------------------- Stjórnarlaun samtals 355.000 Samþykkt samhljóða 3. tillaga; ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, samþykkir að stjórn LSE fái þóknun fyrir árið 2010 sem hér segir: Formaður 100.000 100.000 Gjaldkeri 75.000 75.000 Aðrir stjórnarmenn 60.000 180.000 ---------------------------------------------------------------------------- Stjórnarlaun samtals 355.000 Samþykkt samhljóða 4. tillaga ,,Aðalfundur Landssamtaka skógareigenda (LSE), haldinn í Stórutjarnaskóla, 18. og 19. september 2009, samþykkir að félagsgjöld verði óbreytt” Samþykkt samhljóða 10. Kosningar. Kosning tveggja stjórnarmanna. Úr stjórn áttu að ganga tveir stjórnarmenn, fulltrúi Norðlendinga og fulltrúi Vestfirðinga. Núverandi fulltrúar, Anna Ragnarsdóttir (varamaður Stefáns heitins Jónssonar) og Ásvaldur Magnússon, gáfu þau bæði kost á sér áfram. Uppástunga um Maríu E. Ingvarsdóttur sem fulltrúa Sunnlendinga í stjórn kom úr sal olli nokkrum umræðum um fyrir hvaða landshluta menn sætu í stjórn. María dró sig út úr framboði til aðalstjórnar en er í framboði til varastjórnar. Ásvaldur Magnússon og Anna Ragnarsdóttir voru því sjálfkjörin til setu í aðalstjórn. Kosning þriggja varamanna í stjórn. Varamenn voru Anna Ragnarsdóttir, Rafn Johnson og Þorsteinn Pétursson. Uppástungur um þrjá varamenn frá félögum eru um: Sigrúnu Grímsdóttur frá Norðurlandi, Maríu E. Ingvadóttur frá Suðurlandi og Þorstein Pétursson frá Austurlandi. Varamenn kosnir; Sigrún Grímsdóttir, María E. Ingvadóttir og Þorsteinn Pétursson Kosning tveggja skoðunarmanna reikninga. Skoðunarmenn kosnir; Ásmundur Guðmundsson og Jóhanna H. Sigurðardóttir. Kosning tveggja varaskoðunarmanna reikninga. Varaskoðunarmenn kosnir; Haraldur Magnússon og Hraundís Guðmundsdóttir Kosning Búnaðarþingsfulltrúa. Búnaðarþingsfulltrúi var Edda Kr. Björnsdóttir. Hún gaf kost á sér áfram. Ekkert mótframboð kom fram og verður hún því Búnaðarþingsfulltrúi áfram. Varamaður var og er Jóhann Þórhallsson. 11. Önnur mál. Þorsteinn Pétursson kvaddi sér hljóðs undir liðnum önnur mál og ræddi launamál skógarbænda. Sagðist hafa verið í samninganefnd skógarbænda á Héraði í nokkur ár. Austanlands hafa verktaxtar þróast í samvinnu skógarbænda og landshlutaverkefnis. Á þessu ári fóru verkefnin í samræmingu taxta á landsvísu og segir Þorsteinn að sú samræming hafi þýtt 2,5% lækkun hjá skógarbændum fyrir austan. Brýnir hann skógarbændur um að halda fast um sitt og standa vörð um launamál. Ingi Tryggvason spyr hvernig taxtamál hafa verið ákveðin yfir landið fram að þessu. Kom honum á óvart að uppgötva að ekki væri um sama taxta að ræða um land allt. Jónas Sigurðarson á Lundarbrekku ræddi gæðamál þ.e. illa flokkaðar plöntur en brögð hafa verið að því að hann hafi fengið slíkt afhent. Valgerður Jónsdóttir, framkvæmdastjóri Norðurlandsskóga, sagði það rétt hjá Jónasi að það ætti ekki að líðast að bændur fengu óflokkaðar plöntur. Ítrekaði að skógarbændur ættu að hafa samband við verkefnið og skila slíku, ekki planta og tuða í hljóði. Valgerður svaraði fyrirspurn Inga varðandi taxtana. Héraðsskógar voru einir fyrst og bjuggu til taxta, síðan hefur þetta þróast með hverju verkefni og fyrst núna var reynt að samræma taxta. Valgerður sagðist mjög sammála tillögunni um nefnd sem ynni að taxtamálum á landsvísu. Sagðist ekki skilja hvernig Þorsteinn fengi út þá lækkun sem hann talaði um í sínu máli. Þorsteinn kom á ný í pontu og fór yfir það hvernig austanmenn reiknuðu út þessa lækkun sem Valgerður skildi ekki í. Ásvaldur Magnússon sagði Valgerði hafa svarað vel fyrirspurn um taxtana en hann fór samt aðeins yfir málin. Sagði þá misjafna og jafnframt misjafnt milli verkefnanna hvernig þeir væru fundnir út. Hjá sumum væru það stjórnir verkefnanna sem ákvæðu þetta hjá öðrum væri um samninga milli verkefnis og skógarbænda að ræða. Björn Bj. Jónsson þakkaði fyrir frábæran fund og góðar tillögur. Hvatti fólk til að vera virkt í því að koma málum á framfæri við framkvæmdastjóra LSE. Valgerður Jónsdóttir var með kynningu í glæruformi sem Björn Traustason og Fanney Ósk Gísladóttir tóku saman. Þar er farið yfir hlut skógræktar í ræktunarlandi framtíðarinnar. Samkvæmt þeirri flokkun sem þau gerðu sem er mjög þröng er framtíðarræktunarland 615 þúsund hektarar. Ef 5% af skógi klæddu láglendi næðist væri það bara 25% af þessu landi. Edda Kr. Björnsdóttir lagði til að stjórn LSE yrði falið að finna ritstjóra/ritstjórn fyrir ,,Við skógareigendur” fram að næsta aðalfundi, ekki yrði kosið nú og samþykkti fundurinn það. Edda svaraði þeirri gagnrýni sem hefur komið fram á stjórn LSE, m.a. um framkvæmd aðalfundar. Fór aðeins yfir sögu landshlutaverkefnanna sem og ástandið í þjóðfélaginu eftir efnahagshrunið og brýndi skógarbændur á að halda sínum málstað á lofti. Edda færði hjónunum á Silfrastöðum Jóhannesi Jóhannssyni og Þóru Jóhannesdóttur, fána LSE sem viðurkenningu fyrir skógræktarstörf á Silfrastöðum í Blönduhlíð. Jóhannes tók við fánanum fyrir hönd hjónanna og þakkaði viðurkenninguna. Þórarinn Svavarsson bar fundinum kveðju Bergþóru Jónsdóttur sem er formaður Félags skógarbænda á Vesturlandi ásamt því að bjóða til næsta aðalfundar á Vesturlandi í ágúst á næsta ári. 12. Fundarlok. Fundarstjóri sleit fundi kl. 12:55

79. stjórnarfundur LSE, haldinn á Hótel Sögu 24. janúar 2013. Kl. 13:00 Mætt voru: Edda Björnsdóttir, formaður, Bergþóra Jónsdóttir, María E. Ingvadóttir, Sighvatur Jón Þórarinsson, Anna Ragnarsdóttir og Björn B. Jónsson framkvæmdastjóri LSE. Fundur stjórnar LSE með formönnum og framkvæmdastjórum LHV. Björn setti fund og bauð alla velkomna. Allir verkefnisstjórarnir og formenn verkefnanna voru mættir. Staðsetning LSE í stjórnkerfinu. Voru miklar umræður um veru LSE í atvinnu- og nýsköpunarráðuneytinu og þá í Bændasamtökum Íslands. Voru misjafnar skoðanir á því máli. Sala á trjám úr skógum bænda. Var rætt um að samkvæmt samningum við verkefnin væri bændum óheimilt að gefa, selja eða taka upp tré úr samningsbundnum skógi verkefnanna. Rætt var um uppgjör v/skógræktarframkvæmda við ábúðarlok. Fundur stjórnar LSE haldinn í Bændahöllinni 25. janúar 2013 kl. 15:00 1 Fréttir frá félögum – stjórnarmenn fara yfir starf skógarbændafélaganna FsS - María FsV - Bergþóra FsVestfj. - Sighvatur FsN - Anna FsA - Edda 2 Leiðbeiningarþjónusta bænda 3 ESB-verkefni með MATÍS. Aðrar nytjar skóga, European non- wood forest 4 Skógrækt undir umhverfis- og auðlindaráðuneyti - gestur Jón Geir Pétursson skrifstofustjóri landgæða 5 Skógar á Íslandi, Stefna á 21. öld 6 Kolefnismál. Greinagerð frá Birni Ármanni Ólafssyni 7 Kraftmeiri skógur 8 Við skógareigendur 9 Brunavarnir 10 Aðalfundur LSE 2013 11 Fjármál LSE 12 Önnur mál. Edda setti fund og bauð alla velkomna. 1. A. María sagði frá félagsfundi í nóvember 2012 þar sem rætt var m.a. um taxtamál og brunamál. Einnig væri undirbúningur fyrir aðalfund LSE á Hótel Örk 30. -31. ágúst 2013 kominn vel á veg, allt væri að skýrast varðandi dagskrána. B. Bergþóra sagði að árlegt jólahlaðborð félagsins hefði farið vel fram og allir skemmt sér vel. C. Sighvatur sagði engan fund hafa verið haldinn hjá skógarbændum á Vestfjörðum síðan við hittumst síðast. D. Anna sagði það vera eins og hjá Vestfirðingum að enginn fundur hefur verið haldinn. E. Edda sagði frá Jólakettinum og væru yfir 40 aðilar að selja sínar vörur þar. Mikil fundarhöld fyrir austan vegna falls Barra, en félagið átti hlut í Barra og einnig margir skógarbændur, væri líklegt að það fé væri glatað. 2. Edda sat fund í umhverfis- og auðlindaráðuneytinu 17. jan. Fundur sem var boðaður hjá Bændasamtökum Íslands í janúar vegna breytinga á Leiðbeiningarmiðstöð var frestað um óákveðinn tíma. 3. Björn sagði frá því að MATÍS hefði mikinn áhuga á að starfa með okkur að skógargulls verkefninu okkar. Var rætt um verkefni á vegum Matís sem er COST verkefni og kallast PF1203-NWFPS um aðrar nytjar úr skógum. Samþykkt að fara í verkefnið og athuga hvort einhverjir skógarbændur geti unnið í verkefninu með MATÍS. Birni falið að fá skógarbónda í verkefnið. 4. Jón Geir Pétursson og Hermann Sveinbjörnsson frá umhverfis- auðlindaráðuneytinu mættu á fundinn. Edda óskaði eftir stuðningi við að fá fjármagn til reksturs starfsmanns fyrir LSE. Aðrar búgreinar hafa fasta tekjustofna til reksturs sinna stjórna. Var farið þess á leit við Jón Geir að hann kæmi á fund með Birni og Sveini Þorgrímssyni úr atvinnu- og auðlindaráðuneytinu. Jón Geir þakkaði fyrir fundinn og er allur af vilja gerður til að aðstoða okkur. 5. Skógar á Íslandi, stefna á 21. öld. Þetta stefnumótunarplagg í skógrækt hefur verið afhent umhverfis- og auðlindaráðherra. 6. Rætt var um bréf frá Birni Ármanni um fund sem hann sat fyrir okkar hönd. Formaður Kolviðar vill fá fund með Birni og Félag landeigenda óskar eftir samstarfi við LSE um hagsmunagæslu um kolefnisbindingu. Spurning hvort sala á kolefnisbindingu verði nokkurn tíma nema á heimsvísu. 7. Kraftmeiri skógur: Bókaútgáfan er í fullum gangi, þýðingar nánast komnar. Hallur Björgvinsson samræmir efni bókarinnar. Tilboð í prentun bókarinnar kom frá átta fyrirtækjum og eru núna tvö þeirra í skoðun. Vonast er til að bókin komi út í lok apríl. Verkefnið gengur mjög vel. 8. Við skógareigendur: Ritnefndin stendur sig mjög vel, en næsta blað kemur út í vor. Senda þarf inn pistla eða fréttir úr félögunum. Óskað er eftir að stjórnir félaganna sendi pistil frá sínu félagi. 9. Ráðstefnan í Borgarnesi tókst mjög vel og verið er að vinna að lagasetningu vegna viðlagatryggingar þar sem skógur verður vonandi tekinn sem einn liður í tryggingu gegn vá. 10. Aðalfundur LSE verður haldinn á Hótel Örk í Hveragerði 30. og 31. ágúst 2013. Er allt að smella saman varðandi erindi og annað fyrir fundinn. Verður fræðsluerindi um jólatrjáarækt og svo kolefnis mál. Aðalfundurinn byrjar um kl. 18. 11. Framkvæmdastjóri fór yfir fjármál LSE. Staðan hefur lítið breyst milli ára, en þó hafa innistæður á reikningum aukist lítillega. Er það eingöngu vegna inngreiðslu vegna Kraftmeiri skóga sem er óráðstafað um áramót. 12. Birni gefinn fullur aðgangur að bankareikningum LSE. Næsti fundur óákveðinn. Fleira ekki gert og fundi slitið 17.05. Fundargerð ritaði Anna Ragnarsdóttir ritari. 82. stjórnarfundur LSE, símafundur 17. apríl n.k. klukkan 16:30 Mætt voru: Edda Björnsdóttir, formaður, Bergþóra Jónsdóttir, Sighvatur Jón Þórarinsson, Anna Ragnarsdóttir, María E. Ingvarsdóttir, Hrönn Guðmundsdóttir, framkvæmdastjóri LSE og Björn B. Jónsson. 1 Nýr starfsmaður LSE. 2 Aðalfundir félaga FsS- FsV - FsVestfj. - FsN - FsA 3 Leiðbeiningarþjónusta bænda- greiðsla til LSE 4 ESB-verkefnið með MATÍS. Aðrar nytjar skóga, European non- wood forest 5 Meðumsókn í framleiðnisjóð vegna jólatrjáarannsókna 6 Grisjunarverkefni með NMÍ 7 Kolefnismál. Samþykktir aðalfundar 2012 og framhald vinnu við CO2 8 Kraftmeiri skógur. 9 Heimasíðan 10Við skógareigendur 11 Brunavarnir, lokað málþing 29 maí n.k. 12Aðalfundur LSE 2013 13Næsti fundur stjórnar LSE 14Önnur mál. Edda bauð fundar fólk velkomið, og setti fundinn. 1. Hrönn kynnti sig, Hrönn er búfræðingur, garðyrkjufræðingur og skógfræðingur. Hrönn býr að Læk í Ölfusi og er gift og á þrjú börn, starfaði hjá Suðurlandsskógum áður. 2. FSS. Er með aðalfund 27. apríl á Hótel Grímsborgum. FSV. Eru með aðalfundinn 18. apríl að Hamri í Borgarfirði. FSVestfj. Verða með sinn aðalfund um 20.-24. Júní. Óákveðin staðsetning. FSN. Aðalfundurinn verður 19. apríl að Löngumýri í Skagafirði. FSA. Ekki vitað hvenær aðalfundur verður. 3. Hrönn og Edda ætlar að kanna rétt LSE til greiðslna frá BÍ vegna leiðbeiningar-þjónustunnar. 4. Agnes Geirdal og Lilja Magnúsdóttir eru í verkefninu European non- wood forest . Þetta verkefni er á vegum MATÍS og LSE. Lilja frá MATÍS en Agnes frá okkar samtökum. Eru þær nýkomnar heim af fyrsta fundi og fáum við skýrslu frá Agnesi eftir hvern fund sem hún fer á. 5. LSE er meðumsækjandi með Else Möller, ásamt LbhÍ og Mógilsá, um styrk til framhaldsrannsókna á jólatrjárækt til Framleiðnisjóðs landbúnaðarins. Niðurstöður þeirra rannsókna munu nýtast fyrir jólatrjáa ræktendur sem eru í verkefni LSE. 6. Nýsköpunarmiðstöl Íslands er í samstarfi við LSE að undirbúa átaksverkefni í grisjun hjá bændum. Verið að ræða við Vinnumálastofnun um samstarf. Urðu miklar umræður um málið, og verða öryggis málin efst á blaði í viðræðunum. 7. Mikil vinna eftir áður en kolefni verður selt. Formanni falið að senda greinagerð á félögin um málið. 8. Hópur skógarbænda og verkefnisstjórarnir fóru til Svíþjóðar m.a. til að læra að stýra leshópum um skógrækt. Leshóparnir byrja í haust og verða þá þeir skógarbændur sem fóru til Svíþjóðar hópstjórar víða um landið. Hrönn sagði þessa ferð hafa verið mjög lærdómsríka fyrir allan hópinn. Bókin Skógarauðlindin, ræktun, umhirða, afrakstur kemur út í vor og verður til sölu hjá LBHÍ. Hefur komið til tals að bjóða Búnaðarfélögum um landið að fá kynningu á skjólbeltagerð, og hvað þau gera mikið gagn í ræktun korns og ræktun túna. Ýmislegt fleira er að gerast hjá Kraftmeiri skóum, sem verður kynnt á heimasíðunni www.skogarbondi.is og í blaðinu Við skógareigendur. 9. Heimasíðan er komin af stað. Eru öll skógarbændafélögin komin inn og geta því sett inn fundargerðir og annað sem félagið er að gera. Hrönn sér um að setja inn fyrir félögin og LSE. 10. Hrönn er kominn í ritnefnd blaðsins okkar Við skógareigendur. Næsta blað er nánast til og kemur út um mánaðarmótin apríl – maí. Norðlendingar taka við ritstjórn um næstu áramót. 11. Verið er að þróa brunavarnir í skógum og eru Suðurlandsskógar og Norðurlandsskógar að vinna í því verkefni ásamt öðrum. Lokað málþing verður haldið í maí lok um brunavarnaráætlanir. Öllum hagsmunaaðilum veðru boðið að taka þátt. 12. Aðalfundur LSE verður 30. – 31. ágúst í Hveragerði á Hótel Örk og er undirbúningur vel á veg kominn. Verða jólatrjáarækt og kolefnismál ofarlega á fundinum. 13. Næsti fundur áætlaður 15. maí kl:16.30. Verður boðaður með dagskrá síðar. 14. Jólatrjáræktendur á suðurlandi eru að fara í ferð til Sólveigar í Prestbakkakoti núna um helgina. Þeir hafa haft fund með fræðsluerindi annað hvert ár. Hrönn og Björn fóru austur á Hérað að hitta verðandi jólatrjáræktendur þar og verður sennilega Hrönn fulltrúi þar sem myndi heimsækja þá og koma þeim af stað. Hópstjóri ætti að vera einn af bændunum í sínum hópi. Marianne Lyhne kemur í sumar og er gert ráð fyrir að hún heimsæki alla jólatrjáræktendur. Björn þakkaði fyrir samstarfið, þó svo að hann verði áfram með í Kraftmeiri skógur. Sighvatur spurði um nefnd um samræmingu heiðrana. Vekja þarf athygli skógarbænda um eigin ábyrgð á þeim sem fara inn í skóginn og slasast eða skemma sínar eigur þar. Ræða þarf við lögfræðing um málið. Fundi slitið kl: 18:15. Fundargerð ritaði Anna Ragnarsdóttir ritari. 84 stjórnarfundur LSE haldinn í norðursal Hótel Sögu þriðjudaginn 2 júlí. Kl 11 Dagskrá Frá síðast Heimsóknir til jólatrjáaræktenda – staða mála Fjárhagur – staða mála Lagabreytingar lagðar fram til kynningar Aðalfundur LSE Fyrirlesarar fyrir málþing í tengslum við aðalfund LSE Fræðsluerindi um jólatrjáaræktun Kolefnisbinding staðan Átaksverkefnið í grisjun – staðan Önnur mál. Mætt voru: Edda Björnsdóttir, formaður, Bergþóra Jónsdóttir, Sighvatur Jón Þórarinsson, Anna Ragnarsdóttir, María E. Ingvadóttir, og Hrönn Guðmundsdóttir, framkvæmdastjóri LSE. 1. Edda sagði frá fundi sem hún og Hrönn sátu með stjórn Landssamtaka landeigenda um stöðu mála varðandi bindingu og sölu kolefnis hér á landi. Það er ekkert að gerast í þessum málefnum hjá stjórnvöldum en ákveðið var að halda áfram að fylgjast með þróun mála og standa vörð um hagsmuni skógar og landeigenda í þessum málum. Síðasti aðalfundur Félags skógarbænda var haldinn á vestfjörðum 28. júní í Súðavík. Hrönn mætti á fundinn og var með kynningu á Kraftmeiri skógum og sagði frá þeim verkefnum LSE sem eru í gangi. Ágætis mæting var á fundinn og á eftir var gengið um skógrækt sem er í hlíðinni fyrir ofan þorpið. Það urðu mannabreytingar í stjórninni þar, þar sem Sighvatur kom í aðalstjórn ásamt Guðrúnu Sigþórsdóttir og með þeim er Jóhann Björn. 2. Kraftmeiri skógar standa fyrir heimsókn fagmanna til þeirra sem eru í akurræktun jólatrjáa. Heimsóknunum er tvískipt. Seinnipartinn í júlí fá þátttakendur á austur og norðurlandi heimsókn og í byrjun september fá vestlendingar og sunnlendingar heimsókn. Else Möller okkar sérfræðingur með í för á samt Hrönn Guðmundsóttur. Þeir sem eru í verkefninu akurræktun jólatrjáa ættu að notfæra sér að fá þessa heimsókn. 3. María sagði hver fjárhagur LSE. væri, einnig sagðist Hrönn vera búin að fá umboðið til að geta greytt reikninga fyrir LSE. Edda sagði frá samtali sínu við Sigurgeir Sindra vegna fjármagns frá Bændasamtökunum til LSE.og ætla þau að hittast von bráðar. 4. Lögð voru fram tillaga frá laganefnd LSE um breytingar á lögum. Miklar umræður urðu um tillögurnar þá sérstaklega á 5. grein sem varðaði breytingar á stjórnarkjöri. Samþykkt var að fresta afgreiðslu á tillögunum og var Eddu falið að koma með tillögu að breytingum á 5 greininni fyrir næsta stjórnarfund. 5. María sagði frá undirbúningi aðalfundar LSE í ágúst. Samþykkt var að LSE. veitti FsS styrk vegna aðalfundarins um 300.000 kr. 6. Í tengslum við aðalfund LSE verður málþing um kolefnisbindingu. Haft hefur verið samband við Huga Ólafsson skrifstofustjóra Umhverfis og auðlindaráðuneytisins, Jón Geir Pétursson, og fl um að halda fyrirlestur á málþinginu. Hugmynd er að fá Sigurð Jónsson lögfræðing og stjórnarmann Landssamtaka landeigenda til að halda erindi. Hrönn er falið að ganga frá málinu. 7. Rætt var um að fá Else Möller að vera með erindi um Masters verkefnið sitt á fræðslufundi fyrir jólatrjáaræktendur sem verður í tengslum við aðalfundinn. Hrönn falið að ganga frá málinu. 8. Eddu falið að athuga með prentun á nýum möppum og boðskortum. Hrönn sér um nafnspjöldin. Rætt var um fyrirlesara og boðsgesti á aðalfundinn. 9. Átaksverkefni í grisjun með Nýsköpunarmiðstöð hefur ekki þróast sem skildi og er því ákveðið að setja það í bið og skoða málið betur. 10. Sighvatur óskaði eftir að allar tillögur og ályktanir sem samþykktar voru á síðasta aðalfundi og var vísað til stjórnar yrðu skoðaðar, þannig að þær væru allar frágengnar. Fundi slitið kl. 14.00. Fundargerð ritaði Anna Ragnarsdóttir ritari. 87. stjórnarfundur LSE haldinn í gegnum síma 3 desember 2013 kl 16,00 Mættir voru Jóhann Gísli Jóhannsson, María E Ingvadóttir, Bergþóra Jónsdóttir, Anna Ragnarsdóttir og Sighvatur Jón Þórarinsson og Hrönn Guðmundsdóttir sem ritar fundargerð. Formaður setti fundinn, bauð fundargesti velkomna og gekk svo til dagskrár. Dagskrá fundarins: 1. Fundargerð síðasta fundar lögð fyrir og Samþykkt. 2. Gengið frá aðalfundargerð. Engar athugasemdir gerðar og verður hún sett inn á heimasíðu LSE. 3. Kolefnisnefnd: Staða varðandi skipun í kolefnisnefnd. Formanni var falið að skipa þrjá menn í kolefnisnefnd en málið sett í bið þar til ljóst verður hversu mikið fjármagn LSE fær á næsta ári. 4. Frá síðasta fundi. Formaður og framkvæmdastjóri LSE fóru á fund með skrifstofustjóra og sérfræðingi íUmhverfis- og auðlindaráðuneytinu varðandi fjármögnun LSE. Farið var yfir þá möguleika sem LSE á í styrkumsóknum. Í framhaldi fóru fulltrúar LSE á fund með framkvæmdastjóra BÍ. þar sem málefni LSE. voru reifuð. Ákveðið var að halda fund með formanni og framkvæmdastjóra BÍ þann 6. desember um félagskerfi skógarbænda og fjármagn til rekstrar búgreinasambands. Einnig ræða stöðu Landbúnaðarskólans á Hvanneyri og er það álit stjórnarað tryggja verði að skógfræðinám verði áfram á Hvanneyri. 5. Framtíð LSE – styrkumsóknir Formaður fór yfir styrkumsóknir LSE sem eru í ferli hjá Atvinnu - og nýsköpunarráðuneytinu vegna reksturs LSE og Umhverfis – og auðlindaráðuneytinu til að byggja upp og þróa úrvinnslu skógarnytja. Þessar umsóknir þurfa að skilast inn fyrir kl 16 þann 4 desember 2013 auk greinagerða um hvað verkefnið felur í sér. 6. Kraftmeiri skógur – stöðuskýrsla. Hrönn sagði frá að tveir leshópar á Suðurlandi væru farnir af stað og sá þriðji, sem eru skógarbændur sem búsettir eru í Reykjavík fer af stað í næstu viku. Fundur var haldinn með stjórn Félags skógarbænda á Austurlandi og formanni og framkvæmdastjóri LSE um verkefnið Kraftmeiri skóg og stöðu á leshópum fyrir austan. Ræddar hugmyndir þeirra hvernig hægt er að koma leshópum af stað. Stefnan er að halda slíkan fundi á norðurlandi, vestfjörðum og vesturlandi strax á nýju ári. Framkvæmdastjóri hefur verið að vinna að milliskýrslu svo tryggt verði að önnur greiðsla af þremur fáist vegna verkefnisins. Skýrslunni var skilað inn 30. nóv. Safna þurfti öllum gögnum sem viðkom verkefninu og ljósrita og kvitta fyrir. Þessi gögn fylgja milliskýrslunni. 7. Fagráð skógræktar Lse er með fulltrúa í fagráði skógræktar og er Hrönn Guðmundsdóttir aðalfulltrúi og Jóhann Gísli Jóhannsson til vara. Fyrsti fundur var haldinn 3. des þar sem farið var yfir erindisbréf þar sem fram komu þau mál sem fagráði er ætlað að fjalla um.Helstu mál fagráðs eru m.a. að fjalla umverkefnaáætlun Rannsóknarstöðvarinnar á Mógilsá, samræmingu skógræktarstarfsins, skipulag fræöflunar, stefnumörkun í úrvinnslumálum og fl. Stefnt er að því að fagráðið fundi mánaðarlega yfir veturinn og er næsti fundur í janúar. 8. Gullmerki LSE – staða mála. Á síðasta fundi var Hrönn falið að skoða og fá tilboð í gerð gullmerkis fyrir LSE. Eitt tilboð hefur borist og er það frá Gull- og silfursmiðju Ernu ehf. Huga þarf að hönnun merkisins. 9. Önnur mál. Hrönn sagði frá að blaðið „Við skógareigendur“ er að koma út og er það síðasta blað ritnefndar á Austurlandi. Anna Ragnarsdóttir upplýsti fundinn að ný ritnefnd hefur verið skipuð og eru það skógarbændur á Norðurlandi sem taka við keflinu. Ritnefndina skipa Anna Guðmundsdóttir formaður nefndar, Sigrún Grímsdóttir og Lára Ellingsen. Aðalfundur LSE 2014 verður haldinn í Miðgarði í Skagafirði dagana 22-24 ágúst. Anna sagið frá fróðlegum fyrirlestri sem haldinn var á Grænni skóga námskeiði og fluttur af Brynhildi Bjarnadóttur lektor á Hug – og félagsvísindasviði Háskólans á Akureyri um kolefnismál og hvernig kolefnisbinding í skógi er reiknuð út. Hvatti hún LSE að nýta sér þekkingu Brynhildar í þágu skógarbænda. María sagði frá formannafundi Bændasamtakanna en hún fór á hann sem fulltrúi LSE. Þar komu fram áhyggjur af stöðu LBHÍ í sameiningarferli sem hugmyndir eru uppi um. Taldi hún rétt að LSE ályktaði um þessi mál. Samþykkt var að formaður og framkvæmdastjóri LSE sem væru að fara á fund með formanni og framkvæmdastjóra BÍ ræddu þessi mál og lýstu stuðningi okkar eða yrðum í samvinnu við BÍ varðandi ályktun um málið. Rætt var um að senda jólakveðju og var Hrönn falið að senda í tölvupósti jólakveðju á skógarbændur, setja jólakveðju á heimasíðuna og í ríkisútvarpið. Næsti fundur verður í janúar og er hugmyndin að boða á þann fund formenn félaga skógarbænda og framkvæmdastjóra landshlutaverkefnanna. Ekki fleira gert og fundi slitið kl 17,56 88-89 ???

Smelltu á forsíðuna til ná í blaðið (PDF).

Smelltu á forsíðuna til ná í blaðið (PDF).